අස්වැසුම දෙවන අදියර සඳහා අයදුම්පත් යොමුකළ අඩු ආදායම්ලාභී පවුල්වල සංගණන කටයුතු හෙට දිනයේ සිට ආරම්භ කරන බව සුබසාධක ප්රතිලාභ මණ්ඩලය පවසනවා.
දෙවන අදියර සඳහා අයදුම්පත් ලක්ෂ 08කට ආසන්න ගණනක් සුබසාධක ප්රතිලාභ මණ්ඩලය වෙත ලැබී තිබෙනවා.
ඒ අනුව එම අයදුම්පත් අතරින් අස්වැසුම ප්රතිලාභය ලැබීම සඳහා සුදුසුකම් ලබන පිරිස තොරා ගැනීමේ අරමුණින් නිවෙස් වෙත ගොස් මෙම සංගණන කටයුතු සිදුකිරීමට නියමිත බව සඳහන්.
දෙවන අදියර සංගණනය පියවර 03කින් පැවැත්වීමට සුබසාධක ප්රතිලාභ මණ්ඩලය විසින් කටයුතු සැලසුම් කර තිබෙනවා.
ඒ අනුව මේවන විට ප්රාදේශීය ලේකම් කාර්යාලවල පූර්ව සංගණන ක්රියාකාරකම් සහ නැවත තහවුරු කිරීමේ ක්රියාවලිය අවසන් කර තිබෙනවා.
නිවෙස්වලට ගොස් තොරතුරු රැස් කිරීමේ ක්රියාවලිය හෙට සිට 31වැනිදා දක්වා පැවැත්වෙනු ඇති.
අස්වැසුම පළමු අදියර සඳහා අයදුම්පත් ලක්ෂ 34ක ප්රමාණයක් සුබසාධක ප්රතිලාභ මණ්ඩලය වෙත ලැබී තිබු අතර ඉන් ලක්ෂ 18කට ආසන්න ප්රමාණයක් අස්වැසුම ප්රතිලාභීන් ලෙස සුදුසුකම් ලබා තිබුණා.
කෙසේවෙතත් මේ වන විට ප්රතිලාභීන් දාහත්ලක්ෂ 20,000කට ආසන්න ප්රමාණයක් සඳහා අස්වැසුම ප්රතිලාභ ලබා දෙන බව සුබසාධක ප්රතිලාභ මණ්ඩලය පවසනවා.
මෙහිදී කාණ්ඩ 04ක් යටතේ ප්රතිලාභ මුදල් හිමිවන අතර අන්ත දුප්පත් කාණ්ඩය සඳහා රුපියල් 17,500ක මුදලක් ද, දුප්පත් යන කාණ්ඩය සදහා රුපියල් 10,000ක මුදලක් ද, අවදානම් සහ සංක්රාන්ති යන කාණ්ඩ දෙක සදහා රුපියල් 5000 බැගින් මාසිකව අස්වැසුම ප්රතිලාභීන් වෙත ලබා දීම සිදුකෙරෙනු ඇති.
