විශ්‍රාමික යුධ හමුදා මේජර් නීතිඥ අජිත් ප්‍රසන්න මහතාට බරපතල වැඩ සහිත වසර හතරක සිරදඬුවම් නියම කර තිබෙනවා.
ඒ අධිකරණයට අපහාස කිරීමේ චෝදනාව මතයි.
ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල නියෝග කළේ ඔහුට රුපියල් ලක්ෂ තුනක දඩයක් ද නියම කරන ලෙසයි.
එම දඩ මුදල ගෙවීම පැහැර හරින්නේ නම් අමතරව තවත් මාස 6ක සිරදඬුවම් නියම කරන බවත් ත්‍රිපුද්ගල විනිසුරු මඩුල්ල නියෝග කර තිබෙනවා.
මේ අතර 2002 වසරේ මිලේනියම් සිටි නඩුවෙහි විත්තියේ සාක්ෂි කැඳවීමට කොළඹ මහාධිකරණය තීරණය කර තිබෙනවා.
මිලේනියම් සිටි නිවාස සංකීර්ණයේ යුධ හමුදා බුද්ධි අංශ විසින් පවත්වාගෙන ගිය ආරක්ෂක නිවාසය වටලා එහි සිටි නිලධාරීන් අත්අඩංගුවට ගැනීම හේතුවෙන් රාජ්‍ය රහස් හෙළි කළ බවට චෝදනා කරමින් මහනුවර හිටපු සහකාර පොලිස් අධිකාරි කුලසිරි උඩුගම්පොල මහතාට එරෙහිව නීතිපතිවරයා විසින් මෙම නඩුව ගොනු කර තිබෙනවා.
ඒ අනුව විනිසුරුවරයා නියෝග කළේ එම නඩුව ලබල පෙබරවාරි මස 21 වනදා කැඳවීමටයි.
