කතරගම, සෙල්ලකතරගම මාර්ගයේ පස්සරයාය හන්දිය අසලදී සිදු වූ අනතුරකින් පුද්ගලයෙකු ජීවිතක්ෂයට පත්ව තිබෙනවා.
මෙම අනතුරින් තවත් පිරිමි පුද්ගලයන් 05 දෙනෙකු තුවාල ලබා කතරගම රෝහලට ඇතුලත් කිරීමෙන් පසු වැඩිදුර ප්රතිකාර සඳහා හම්බන්තොට රෝහලට මාරුකර යවා ඇති බවයි පොලීසිය සඳහන් කළේ.
සෙල්ලකතරගම සිට කතරගම දෙසට ධාවනය වූ වෑන් රථයක් මාර්ගය අසල නවතා තිබූ යතුරු පැදියක, ගස් දෙකක සහ බූම් ට්රක් රථයක ගැටී මෙම අනතුරු සිදුව තිබෙනවා.
අනතුරින් ජීවිතක්ෂයට පත්වූ පුද්ගලයා 25 හැවිරිදි කතරගම නව නගරය ප්රදේශයේ පදිංචිකරුවෙක් වන අතර, මෘත ශරීරය කතරගම රෝහලේ තැන්පත් කර තිබෙනවා.
