සමගි ජන බලවේගයේ සභාපති, පාර්ලිමේන්තු මන්ත්‍රී ෆීල්ඩ් මාර්ෂල් සරත් ෆොන්සේකා මහතාගේ පක්ෂ සාමාජිකත්වය, ඔහු දරණ තනතුරු අත්හිටුවීම සහ විනය ක්‍රියාමාර්ග ගැනීම වළක්වාලමින් සමගි ජන බලවේගයට නිකුත් කළ වාරණ නියෝගය කොළඹ දිසා අධිකරණය විසින් යළි දීර්ඝ කර තිබෙනවා.
ඒ, පාර්ලිමේන්තු මන්ත්‍රී සරත් ෆොන්සේකා මහතා ගොනුකළ පෙත්සම පිළිබඳ නඩුව කොළඹ දිසා විනිසුරු සඳුන් විතාන මහතා හමුවේ අද කැඳවූ අවස්ථාවේදියි.
එහිදී දිසා විනිසුරුවරයා නියෝග කළේ ලබන 19 වනදා දක්වා අදාළ වාරණ නියෝගය දීර්ඝ කිරීමටයි.
එම නියෝගය ඉවත් කරන ලෙස ඉල්ලා සමගි ජන බලවේගය අද අධිකරණය හමුවේ විරෝධතාවක්ද ගොනු කරනු ලැබුවා.
