ශ්රී ලාංකීය තරුණ ප්රජාව සඳහා වන පොදු ඉගෙනුම් අධ්යාපන වේදිකාව (Public Learn Education Platform) www.publiclearn.lk නිල වශයෙන් එළිදැක්වීම ජනාධිපති රනිල් වික්රමසිංහ මහතාගේ ප්රධානත්වයෙන් ඊයේ (13) පස්වරුවේ ජනාධිපති කාර්යාලයේ දී සිදු විය.
“Public Learn” යනු ලොව ප්රමුඛ පෙළේ විශ්වවිද්යාල වලින් නොමිලේ පාඨමාලා හැදෑරීම සඳහා පරිශීලකයින් යොමු කරවනු ලබන වේදිකාවකි. මෙම වේදිකාව රීජන්ට් ග්ලෝබල් ආයතනය (Regent Global) විසින් ක්රියාත්මක කරනු ලබන අතර එය ශ්රී ලංකාව සඳහා හඳුන්වා දීමට එක්සත් රාජධානියේ ශ්රී ලාංකික ඩයස්පෝරාව විසින් අරමුදල් සපයා තිබේ.
ශ්රී ලාංකීය තරුණ ප්රජාව සඳහා වන පොදු ඉගෙනුම් අධ්යාපන වේදිකාව (Public Learn Education Platform) www.publiclearn.lk නිල වශයෙන් දියත් කිරීම මෙහිදී ජනාධිපතිවරයා අතින් සිදු කෙරිණි.
අනතුරුව පැවති උත්සව සභාව ඇමතූ ජනාධිපති රනිල් වික්රමසිංහ මහතා සඳහන් කළේ නව ආර්ථික පරිවර්තනය වෙනුවෙන් ශ්රී ලංකාවද ඩිජිටල්කරණය සමඟ වේගයෙන් ඉදිරියට යා යුතු බවයි.
මිහිඳු මහරහතන් වහන්සේගේ ආගමනයත් සමඟ බිහි වූ මෙරට අධ්යාපනය අදියර 03ක් යටතේ ක්රමිකව විකාශය වූ බව පෙන්වා දුන් ජනාධිපතිවරයා මේ වන විට ඩිජිටල්කරණය සමග විවෘත වේදිකාවක දැනුම බෙදා හදා ගැනීම දක්වා එය ඉදිරියට පැමිණ ඇති බවද සඳහන් කළේය.
