සංචාරක ඇෆ්ගනිස්ථාන් ක්‍රිකට් කණ්ඩායම සහ ශ්‍රී ලංකා කණ්ඩායම අතර දෙවන එක්දින තරගයෙන් ලකුණු 132ක විශිෂ්ඨ ජයක් ලබාගැනීමට ශ්‍රී ලංකා කණ්ඩායම අද(04) සමත් වූවා.
ඒ සත්කාර ශ්‍රී ලංකා කණ්ඩායම ලබාගත් ලකුණු 323ක හඹා යාමේදී ඇෆ්ගනිස්ථාන් ක්‍රිකට් කණ්ඩායමේ සියලුම ක්‍රීඩකයින් පන්දුවාර 42.1කදී ලකුණු 191කට දවා ගැනීමත් සමගිනි.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීමට තීරණය කළ අතර එහිදී නියමිත පන්දුවාර 50 අවසානයේදී කඩුලු 6ක් දැවී ලකුණු 323ක් ලබාගැනීමට සමත් වූවා.
එහිදී ශ්‍රී ලංකා කණ්ඩායම වෙනුවෙන් කුසල් මෙන්ඩිස් පන්දු 75කදී ලකුණු 78ක් ලබාගැනීමට සමත් වූයේ හයේ පහරක් සහ හතරේ පහර හතක් සමගින්.
මේ අතර දිමුත් කරුණාරත්න පන්දු 62කදී හතරේ පහර 7ක් සමගින් ලකුණු 52ක් ලබාගැනීමට සමත් වූවා.
සධීර සමරවික්‍රම ලකුණු 44ක්ද පැතුම් නිස්සංක ලකුණු 43ක්ද ලබාගැනීමට සමත් වූවා.
නායක දසුන් ශානකට ලබාගැනීමට හැකි වූයේ ලකුණු 23ක් පමණි.
චරිත් අසලංක ලකුණු 6කට දැවී ගියා.
මේ අතර නොදැවී පන්දුවට පහර දුන් ධනංජය ද සිල්වා ලකුණු 29ක් ලබාගත් අතර ඊට හයේ පහක් සහ හතරේ පහරක් අන්තර්ගත වූවා.
වනිඳු හසරංග හයේ පහරක් සහ හතරේ පහර හතරක් සමගින් පන්දු 12කදී ලකුණු 29ක් ලබා ගත්තේ දැඩි ප්‍රවේගකාරී පිතිහරඹයක නිරත වෙමින්.
පන්දු යැවීමේදී ඇෆ්ගනිස්ථාන් කණ්ඩායම වෙනුවෙන් Fareed Ahmad සහ Mohammad Nabi කඩුලු දෙක බැගින් දවා ගත් අතර එක් කඩුල්ල බැගින් දවා ගැනීමට Mujeeb Ur Rahman සහ Noor Ahmad සමත් වූවා.
ලකුණු 324ක ජයග්‍රාහී ඉලක්කයක් හඹා යාමට පිටියට පැමිණි ඇෆ්ගනිස්ථානු පිතිකරුවන්ට පන්දුවාර 42.1ක් අවසානයේ සියලුම දෙනා දැවී ලබාගත හැකි වූයේ ලකුණු 191ක් පමණි.
එහිදී Ibrahim Zadran ලකුණු 54ක්ද නායක Hashmatullah Shahidi ලකුණු 57ක්ද ලබාගැනීමට සමත් වූවා.
Ramat Shah ලකුණු 36ක්ද Azmatullah Omarzai ලකුණු 28ක්ද ලබාගැනීමට සමත් වූවා.
සෙසු කිසිදු ක්‍රීඩකයෙකුට ලකුණු 10 සීමාව ඉක්මවා යාමට හැකියාව ලැබුණෙ ්නෑ.
පන්දු යැවීමේදී ශ්‍රී ලංකා කණ්ඩායම වෙනුවෙන් වනිදු හසරංග සහ ධනංජය ද සිල්වා කඩුලු තුන බැගින් දවා ගැනීමට සමත් වූවා.
දුෂ්මන්ත චමීර කඩුලු දෙකක්ද මහීෂ් තීක්ෂණ සහ දසුන් ශානක එක් කඩුල්ල බැගින් දවා ගැනීමට සමත් වූවා.
ඒ අනුව ඇෆ්ගනිස්තානය සහ ශ්‍රී ලංකාව අතර දෙවන එක්දින තරගයෙන් ලකුණු 132ක විශිෂ්ඨ ජයක් හිමිකර ගැනීමට ශ්‍රී ලංකා කණ්ඩායම සමත් වූවා.
තරගයේ වීරයා ලෙසින් සම්මාන හිමිකර ගත්තේ ධනංජය ද සිල්වායි.
අද පැවැති තරගය ශ්‍රී ලංකාව ජය ගැනීමත් සමගින් තරගාවලිය 1ට 1ක් ලෙසින් දෙපිලම සම තත්ත්වයේ පසුවනවා.
තරගය සූරියවැය මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගනයේදී පැවැත්වුණා.
