2024 පන්දුවාර විස්සයි 20 කාන්තා ලෝක කුසලාන ක්‍රිකට් තරගාවලිය යටතේ ශ්‍රී ලංකාව ක්‍රීඩා කරන අවසන් තරගය අද පැවැත්වෙනවා.
නවසීලන්තයට එරෙහිව පැවැත්වෙන මෙම තරගය මෙරට වේලාවෙන් පස්වරු 3:30 ට සාජාහී දී ආරම්භ වීමට නියමිතයි.
මෙවර තරගාවලියේ දී ශ්‍රී ලංකාව ක්‍රීඩා කළ පළමු තරග තුනම ඔවුන් පරාජයට පත් වූ අතර, ඉන්දියාවට එරෙහිව ලැබූ දරුණු පරාජයත් සමග ශ්‍රී ලංකාවට තරගාවලියේ අවසන් පූර්ව වටයට සුදුසුකම් ලබා ගැනීමේ සියලු බලාපොරොත්තු අත්හැරීමට සිදු වුණා.
ඒ අනුව සැනසුම්දායක ජයක් වාර්තා කරමින් තරගාවලිය අවසන් කිරීමේ අරමුණ ඇති ශ්‍රී ලංකාව අද තරගයට පිවිසෙනවා.
