විදේශ රැකියාවෙහි නිරත ශ්රි ලාංකික ශ්රමිකයින්ගේ පාසල් අධ්යාපනය ලබන දූ දරුවන් සඳහා ශිෂ්යත්ව ප්රදානය කිරීම සඳහා ශ්රි ලංකා විදේශ සේවා නියුක්ති කාර්යාංශය විසින් මේ දිනවල අයදුම්පත් කැඳවන අතර, එය සැප්තැම්බර් මස 15 දින අවසන් වීමට නියමිතය.
2019.01.01 දින සිට 2024.09.15 දක්වා කාලය තුළ කාර්යාංශයේ ලියාපදිංචිය ලබා විදේශ රැකියාවේ නිරතව සිටින දෙමාපියන්ගේ දරුවන් සදහා මෙම ශිෂ්යත්ව පිරිනමනු ලබන අතර, 2024 වර්ෂයේ 5 වසර ශිෂ්යත්ව විභාගය සමත්, 2023 (2024) වර්ෂයට අදාළ අ.පො.ස (සාමාන්ය පෙළ) විභාගය සමත් හා 2023 (2024) වර්ෂයට අදාළව අ.පො.ස (උසස් පෙළ) විභාගය සමත්ව රජයේ හෝ පෞද්ගලික විශ්ව විද්යාලයක හෝ නැතිනම් රජයේ කාර්මික විද්යාලයක හෝ වෙනත් රජයේ අධ්යාපන ආයතනයක අධ්යාපනය හදාරන දරුවන් සඳහා මෙම ශිෂ්යත්ව සඳහා අයදුම් කළ හැකිය.
5 වසර ශිෂ්යත්ව විභාගය සමත් දරුවෙකු සඳහා රු.25,000.00 ක මුදලක්ද, අ.පො.ස සාමාන්ය පෙළ සමත් දරුවන් සඳහා රු.30,000.00 බැගින් හා අ.පො.ස උසස් පෙළ විභාගය සමත් දරුවන් සඳහා රු.40,000.00 බැගින් ශිෂ්යත්ව පිරිනැමීමට නියමිතය.
මෙම ශිෂ්යත්ව සදහා මාර්ගගත ක්රමවේදය ඔස්සේ අයදුම්පත් කැඳවන අතර, කාර්යාංශයේ නිළ වෙබ් අඩවිය වන www.slbfe.lk වෙබ් අඩවියට පිවිසීමෙන් මේ සඳහා අයදුම් කළ හැකිය.
2024 වර්ෂය තුළදී ශ්රි ලංකා විදේශ සේවා නියුක්ති කාර්යාංශය විසින් විගමණික ශ්රමිකයින්ගේ දරුවන් 2688 දෙනෙකු සඳහා රුපියල් මිලියන 81.12 ක මුදලක් ශිෂ්යත්ව වශයෙන් පිරිනමා ඇති අතර, මෙම වර්ෂය තුළදී දරුවන් 1,628 දෙනෙකු සඳහා රුපියල් මිලියන 50 ට අධික මුදලක් ශිෂ්යත්ව වශයෙන් පිරිනැමීමට කටයුතු යොදා ඇත.
