හැටන් ප්රදේශයට වසර ගණනාවක් තිස්සේ මත්ද්රව්ය අලෙවි කිරීමේ ජාවාරමේ නිරතව සිටි කාන්තාවක් හැටන් පොලිස් කොට්ඨාසයේ විශේෂ විමර්ශන කටයුතු සිදුකිරීමෙන් පසු එම සැකකරු කාන්තාව ඊයේ(09) දින යළිත් හැටන් දිසා විනිසුරු සහ මහේස්ත්රාත් පීටර් පෝල් මහතා වෙත ඉදිරිපත් කිරීමෙන් පසු එම සැකකාරිණිය මේ මස 23 වනදා දක්වා රක්ෂිත බන්ධනාගාර ගත කිරීමට මහේස්ත්රාත්වරයා නියෝග කර තිබෙනවා.
මෙලෙස රක්ෂිත බන්ධනාාගර ගත කර ඇත්තේ ගල්කිස්ස ප්රදේශයේ පදිංචි මොහොමඩ් හාකීර් ෆාතිමා සනුලියා නමැති 58 හැවිරිදි සිව්දරු මවකි.
සැකකාරිනිය කාලයක් තිස්සේ ගල්කිස්ස ප්රදේශයේ සිට හැටන් ප්රදේශයට පැමිණ මත්ද්රව්ය අලෙවි කිරීමේ ජාවාරමේ නිරතව සිටින බවට හැටන් කොට්ඨාසභාර ජ්යෙෂ්ඨ පොලිස් අධිකාරී ප්රදීප් වීරසේකර මහතා වෙත තොරතුරු ලැබී තිබෙනවා.
ඒ අනුව සැකකාරිය ඉකුත් 03 වනදා කොළඹ සිට හැටන් දක්වා ධාවනය වූ පෞද්ගලික බස් රථයක මත්ද්රව්ය රැගෙන හැටන් ප්රදේශයට එමින් සිටියදී හැටන් මල්ලිඅප්පු මංසන්ධියේදී සැකකාර කාන්තාව හැටන් පොලිස් කොට්ඨාස විශේෂ විමර්ශන ඒකකයේ නිලධාරීන් විසින් අයිස් මත්ද්රව්ය මිලිග්රෑම් 11850ක් සමග අත්අඩංගුවට ගෙන තිබෙනවා.
අත්අඩංගුවට ගත් සැකකාරිය හැටන් මහේස්ත්රාත් අධිකරණය වෙත පසුගිය 4 වනදා ඉදිරිපත් කිරීමෙන් අනතුරුව රඳවාගැනීමේ නියෝග මත හැටන් පොලිසියේ රඳවා ගනිමින් සිදු කළ විමර්හනයකින් අනතුරුව එම සැකකාරියගෙන් මත්ද්රව්ය මිලදී ගන්නා තරුණයන් 11 දෙනෙක් අත්අඩංගුවට ගෙන හැටන් මහේස්ත්රාත් අධිකරණය වෙත ඉදිරිපත් කිරීමෙන් පසුව ඔවුන් 11 දෙනා ඇපමත මුදාහැරීමට මහේස්ත්රාත්වරයා නියෝග කර තිබෙනවා.
සැකකාර කාන්තාව වසර තුනකට ආසන්න කාලයක් තිස්සේ හැටන් ප්රදේශයට මත්ද්රව්ය රැගෙනවිත් මත්ද්රව්ය පැකට්ටුවක් රුපියල් 5000ක් වැනි මිලකට අලෙවි කර ඇති බවටද තොරතුරු අනාවරණ වී තිබෙනවා.
හැටන් කොට්ඨාස භාර ජ්යෙෂ්ඨ පොලිස් අධිකාරී ප්රදීප් වීරසේකර, සහකාර පොලිස් අධිකාරි 1 නිස්සංක ගොඩමුණ්න, හැටන් මූලස්ථාන ප්රධාන පොලිස් පරීක්ෂක පී.එස්.සී. සංජීව යන මහත්වරුන්ගේ අධික්ෂණය යටතේ හැටන් පොලිස් කොට්ඨාසයේ විශේෂ විමර්ශන ඒකකයේ ස්ථානාධිපති පොලිස් පරීක්ෂක රුවන් ගුණතිලක මහතාගේ මෙහෙයවීමෙන් මෙම වැටලීම සිදුකර සැකාකරිය සහ සැකකරුවන් අත්අඩංගුවට ගෙන අධිකරණයට ඉදිරිපත් කර තිබෙනවා.
