පවතින වියළි කාලගුණය හමුවේ විවිධ රෝගාබාධ ඇතිවිය හැකි බව සෞඛ්‍ය අංශ පෙන්වා දෙනවා.
රජයේ වෛද්‍ය නිලධාරින්ගේ සංගමය පවසන්නේ නියං තත්ත්වය හේතුවෙන් ජල මූලාශ්‍ර අපිරිසිදු වීම මගින් ඉදිරියේදී පාචනය සහ අතීසාරය වැනි රෝග ව්‍යාප්ත වීමේ අවදානමක් පවතින බවයි.
ඒ හේතුවෙන් උණු කර නිවා ගත් ජලය පානය කළ යුතු බවද එම සංගමය දැනුම් දෙනවා.
එමෙන්ම පවතින අධික උණුසුම් කාලගුණ තත්වය හේතුවෙන් ගැබිනි මව්වරුන් දැඩි හිරු එළියට නිරාවරණය නොවීමට වග බලා ගත යුතු යැයි රජයේ පවුල් සෞඛ්‍ය සේවා නිලධාරිනියන්ගේ සංගමය පවසනවා.
මේ හේතුවෙන් ගැබිනි මව්වරුන් අතර විවිධ ආසාත්මිකතා ඇති විය හැකි බවයි එහි සභාපතිනි දේවිකා කොඩිතුවක්කු මහත්මිය සඳහන් කළේ.
විශේෂයෙන්ම වයස අවුරුදු පහට අඩු දරුවන් හිරු එළියෙන් ආරක්ෂා කර ගැනීමට දෙමාපියන් වගබලා ගතයුතු බවයි ඇය කියා සිටියේ.
Array
