පාර්ලිමේන්තු මන්ත්රීවරුන්ට රජයෙන් වාහන ආනයනය නොකරන බව සෞඛ්ය සහ ජනමාධ්ය අමාත්ය නලින්ද ජයතිස්ස පවසනවා.
ඔහු මේ පිළිබඳව සඳහන්කර සිටියේ අද කැබිනට් තීරණ දැනුම්දීමේ මාධ්ය සාකච්ඡාවට එක්වෙමින්.
අණ්ඩුව ලබා දුන් ප්රතිපත්තියට අනුව මන්ත්රීවරුන්ට වාහන පර්මිට් ලබා නොදෙන අතර ප්රතිපත්ති මත මන්ත්රීවරයෙකුට වැඩ කටයුතු කරගෙන යෑමට ආණ්ඩුවෙන් සංචිතයක් ඔස්සේ වාහනයක් ලබා දිය යුතු අතර මන්ත්රීවරයාගේ කාල සීමාව අවසන් වූ පසු එම මන්ත්රීවරයා එම වාහනය නැවත සංචිතයට ලබා දිය යුතු බවත් ඒ සඳහා සංචිතයක් අවශ්ය බවයි අමාත්යවරයා පවසා සිටියේ.
අවුරුදු 05කින් වාහන ගෙන්වා නොමැති නිසා වාහන සංචිතයක් සකස්කර ගැනීමේ අවස්ථාව නොමැති නිසා වාහන ගෙන්විය යුතු බවත් නමුදු වත්මන් ආර්ථික තත්ත්වය හමුවේ කිසිම විටෙක මන්ත්රීවරු සඳහා වාහන ආනයනය නොකරන බවයි අමාත්යවරයා වැඩිදුරටත් සඳහන් කර සිටියේ.
