අපරාධකරුවන් හඹා ගොස් අත්අඩංගුවට ගැනීම සඳහා විශේෂිත පුහුණුවක් සහිත යතුරුපැදි 100 කින් සමන්විත කණ්ඩායමක් ඉදිරියේදී යුක්තිය මෙහෙයුමට සමගාමීව යෙදවීමට ක්‍රියාකරන බව පොලිස්පති දේශබන්දු තෙන්නකෝන් මහතා පවසයි.
ඒ මහතා මේ බව ප්‍රකාශ කළේ පසුගියදා නුවරඑළිය හා හැටන් පොලිස් කොට්ඨාසවලට අයත් ප්‍රජා පොලිස් කමිටු සාමාජිකයින් දැනුවත් කිරීමේ වැඩසටහනේදීය. මෙම වැඩසටහන මහජන ආරක්ෂාව පිළිබඳ අමාත්‍ය ටිරාන් අලස් මහතාගේ ප්‍රධානත්වයෙන් හා මහජන ආරක්ෂක අමාත්‍යාංශයේ ලේකම් වියානි ගුණතිලක මහතා සහ පොලිස්පති දේශබන්දු තෙන්නකෝන් මහතාගේ සහභාගිත්වයෙන් නුවරඑළිය සිනිසිටා ක්‍රීඩාංගනයේ ද ීපැවැත්විණි.
මෙම අවස්ථාව සඳහා ප්‍රජා පොලිස් කමිටු 1500ක පමණ පිරිසක් සහභාගි වූ අතර කමිටු සාමාජිකයන් අමතා මහජන ආරක්ෂක අමාත්‍ය ටිරාන් අලස් මහතා යුක්තිය මෙහෙයුම තවදුරටත් සාර්ථක කර ගැනීම සඳහා ප්‍රදේශවාසීන්ගේ සහාය ලබා දෙන ලෙස ද ඉල්ලීමක් කළේය.
