ඓතිහාසික මහියංගනය රාජ මහා විහාරස්ථ ඇසළ පෙරහැර මංගල්ලයේ අවසමන් මහා රන්දෝලි පෙරහැර මංගල්ලය අද රාත්‍රියේ වීදි සංචාරය කිරීමට නියමිතව තිබෙනවා.
මේ අතර මහියංගණය ඇසළ පෙරහැරේ සිව් වන රන්දෝලි පෙරහැර සදහා ජනාධිපති අනුර කුමාර දිසානායක මහතා ඊයේ රාත්‍රියේ සහභාගී වී තිබුණා.
පෙරහැරේ සමාරම්භය සනිටුහන් කරමින් මංගල හස්තියා මත සදහතුක කරඩුව තැන්පත් කිරීමද ජනාධිපති තුමන් සුරතින් සිදු වුනා.
මෙම අවස්ථාවට ආදි වාසී නායක ඌරු වලිගේ වන්නිල ඇත්තෝ සහ දේශපාලඥයින් මෙන්ම ප්‍රදේශ වාසී බොහෝ පිරිසක් එක්ව සිටියා.
