සංචාරක පාකිස්ථාන කණ්ඩායම සමග පැවති තරග තුනකින් සමන්විත එක්දින තරගාවලිය ජය ගැනීමට බටහිර ඉන්දීය කොදෙව් කණ්ඩායම සමත් වුණා.
පාකිස්ථානයට එරෙහිව කොදෙව් කණ්ඩායමක් මෙලෙස තරගාවලියක් ජය ගත්තේ වසර 34 කට පසුවයි.
දෙරට අතර ඊයේ පැවති තුන්වන එක්දින තරගය ලකුණු 202 කින් ජය ගැනීමට සමත් වූයේ බටහිර ඉන්දීය කොදෙව් කණ්ඩායමයි.
තරගයේ මුලින්ම පන්දුවට පහර දුන් කොදෙව්වන් නියමිත පන්දුවාර 50 අවසානයේ කඩුලු 06ක් දැවී ලකුණු 294ක් රැස් කළා.
කෙසේවෙතත් ලකුණු 295 ක ඉලක්කයක් හඹා ගිය පාකිස්ථාන කණ්ඩායමට පන්දුවාර 29යි පන්දු 2ක් තුල සියලු දෙනා දැවී රැස් කර ගැනීමට හැකි වූයේ ලකුණු 92ක් පමණයි .
කොදෙව් කණ්ඩායම වෙනුවෙන් ෂායි හෝප් ලකුණු 120ක් ලබා ගත් අතර ජේඩ්න් සීල්ස් ලකුණු 18කට පාකිස්ථාන කඩුලු 06ක් බිද හෙලුවා.
ඒ අනුව තරග තුනකින් සමන්විත පාකිස්තානය සමග එක්දින තරගාවලිය සංචාරක කොදෙව්වන් නිමාවට පත් කළේ තරග දෙකට එකක් ලෙස තරගාවලියේ ජය තමන් සතු කර ගනිමින්.
දෙරට අතර මෙම තරගාවලිය යටතේ පැවති විස්සයි විස්ස තරගාවලිය 2 ට එකක් ලෙස ජය ගත්තේ පාකිස්තාන කණ්ඩායමයි.
මේ අතර ඕස්ට්රේලියානු කණ්ඩායම සමග පැවති දෙවන විස්සයි විස්ස තරගයෙන් ලකුණු 53 ක් ජයක් වාර්තා කිරීමට සංචාරක දකුණු අප්රිකානු කණ්ඩායම සමත් වුණා.
තරගයේ පළමුව පන්දුවට පහර දුන් දකුණු අප්රිකානු කණ්ඩායම නියමිත පන්දුවාර 20 අවසානයේ කඩුළු 07 ක් දැවී රැස් කල ලකුණු සංඛ්යාව 218 ක්.
ඩිවාල්ඩ් බ්රෙවිස් පන්දු 56 කදී ලකුණු 125 ක් සහ ට්රිස්ටන් ස්ටබ්ස් ලකුණු 31 ක් ලබා ගැනීමට සමත් වුණා.
ලකුණු 219 ක ඉලක්කයක් හඹා යාම සදහා පිටියට පිවිසි ඕස්ට්රේලියානු කණ්ඩායමට පන්දුවාර 17 යි පන්දු 04 කදී සියලු දෙනා දැවී ලබා ගත්තේ ලකුණු 165 ක් පමණයි.
ටීම් ඩාවිඩ් පන්දු 24 කදී ලකුණු 50 ක් ලබා ගත්තා.
පන්දු යැවීමේදී ක්වේනා මාෆකා සහ කෝබින් බොෂ් කඩුළු 03 බැගින් දවා ගැනීමටයි සමත් වුනේ.
දෙරට අතර තරග තුනකින් සමන්විත විස්සයි විස්ස තරගාවලිය කණ්ඩායම් දෙකම එක් තරගය බැගින් ජය ගනිමින් මේ වන විට සම තත්වයේ පසු වනවා.
