2024 වසරේ ICC ටෙස්ට් ක්රිකට් ක්රීඩකයාට හිමි සම්මානය සඳහා ඉන්දීය වේගපන්දු යවන ක්රීඩක ජස්ප්රිට් බුම්රා තේරී පත් වී සිටිනවා.
ඒ 2024 වසරේ හොඳම ටෙස්ට් ක්රිකට් ක්රීඩකයා බවට පත් වීම සඳහා නම් නිර්දේශ වී සිටි ශ්රී ලංකාවේ කමිඳු මෙන්ඩිස්, එංගලන්ත ක්රීඩක ගැරී බෘක් සහ ජෝ රූට් පසු කරමින්.
බුම්රා ඉකුත් වසරේ දී ටෙස්ට් ක්රිකට් පිටිය තුළ කඩුලු 71ක් දඩයම් කර ඇති අතර එම ඔහු ඒ සඳහා පන්දුවාර 357ක් ක්රියාත්මක කර තිබුණා.
එම සටහනේ දෙවැනි ස්ථානයේ පසු වූයේ එංගලන්ත යොවුන් ක්රීඩක ගස් ඇට්කින්සන්.
කෙසේ නමුත් බුම්රා මෙම කඩුලු 71 දවා ගැනීමේ දී එම වසර පුරාවට ඔහුගේ පන්දු යැවීමේ සාමාන්ය 14.92ක් වූ අතර ඔහුට එරෙහි ප්රහාරාත්මක අනුපාතය සටහන් වී තිබුණේ 30.1ක් ලෙසයි.
බුම්රා විසින් 2024 වසරේ දී දැක් වූ මෙම දස්කම ටෙස්ට් ඉතිහාසයට එක් වන්නේ ක්රිකට් කැලැන්ඩර් වසරක දී කඩුළු 70 සීමාව පසු කළ 17 වැනි ක්රීඩකයා ලෙස වන අතර ඔහු තරම් අඩු ලකුණු සාමාන්යක් ප්රතිවාදීන්ට ලබා දුන් වෙනත් පන්දු යවන්නෙක් නොමැති තරම්.
මේ අතර මීට පෙර ඉන්දියාව වෙනුවෙන් ක්රිකට් කැලැන්ඩර් වසරක දී කඩුලු 70ක් දවා ගත් අනෙක් ක්රීඩකයන් වන්නේ, රවිචන්ද්රන් අශ්වින්, අනිල් කුම්බ්ලේ සහ කපිල් දේව් යන ක්රීඩකයන්.
