ආරුගම්බේ ප්‍රදේශයට ත්‍රස්ත ප්‍රහාරයක් එල්ල කිරීමට සැළසුම් කිරීමේ සිද්ධියට සම්බන්ධ තවත් සැකකරුවන් පිරිසක් පිළිබදව තොරතුරු අනාවරණය වී තිබෙනවා.
දැනට රදවාගෙන ප්‍රශ්ණ කරනු ලබන සැකකරුවන් ලබාදුන් ප්‍රකාශවලින් එම තොරතුරු හෙළි වූ බවයි ත්‍රස්ත විමර්ශන කොට්ඨාසය කොළඹ අතිරේක මහේස්ත්‍රාත් පසන් අමරසේන මහතාට ඊයේ දැනුම් දුන්නේ.
මෙම සිද්ධිය සම්බන්ධයෙන් මීට පෙර සැකපිට පුද්ගලයින් 03 දෙනෙකු අත්අඩංගුවට ගනු ලැබුවා.
ඉන් අනතුරුව තවත් අයෙකු පොලිස් භාරයට ගෙන ඇති බවයි ඊයේ අධිකරණයේදී අනාවරණය වුණේ.
ඒ අනුව, අනෙකුත් සැකකරුවන්ගෙන් ප්‍රකාශ ලබාගැනීමටද අතිරේක මහේස්ත්‍රාත්වරයා නියෝග කළා.
