තලංගම පොලිසිය විසින් අත්අඩංගුවට ගෙන අධිකරණයට ඉදිරිපත් කරනු ලැබූ හිටපු අමාත්ය සහ ජාතික නිදහස් පෙරමුණේ නායක විමල් වීරවංශ මහතා ඇපමත මුදාහැර තිබෙනවා.
අත්අඩංගුවට ගැනුණු මන්ත්රීවරයා කඩුවෙල මහේස්ත්රාත් අධිකරණය වෙත ඉදිරිපත් කරනු ලැබුවා.
හිටපු පාර්ලිමේන්තු මන්ත්රී විමල් වීරවංශ මහතා ප්රකාශයක් ලබාදීම සඳහා අද(25) උදෑසන තලංගම පොලිසිය වෙත පැමිණියා.
ඒ පසුගිය මැයි 18 වැනිදා රාජ්ය නිලධාරීන් සහ පොලිසිය සමග බත්තරමුල්ල රණවිරු ස්මාරකය අසලදී ඇති වූ කලහකාරී තත්ත්වයට අදාළවයි.
අදාළ ප්රකාශය ලබාදීමෙන් පසුව විමල් වීරවංශ මහතා තලංගම පොලිසිය විසින් අත්අඩංගුවට ගෙන කඩුවෙල මහේස්ත්රාත් අධිකරණය වෙත ඉදිරිපත් කරනු ලැබුවා.
විමල් වීරවංශ පොලිස් අත්අඩංගුවට [May 25, 2026 at 11:56]
හිටපු පාර්ලිමේන්තු මන්ත්රී සහ ජාතික නිදහස් පෙරමුණේ නායක විමල් වීරවංශ මහතා පොලිසිය විසින් අත්අඩංගුවට ගෙන තිබෙනවා.
ඒ රණවිරු සැමරුම් උත්සවයේ පෙරහුරු කටුයතුවලට බාධා කළ බවට පැවසෙන සිද්ධියක් සම්බන්ධයෙන් ප්රකාශයක් ලබාදීම සඳහා තලංගම පොලිසියට අද(25) පෙරවරුවේ පැමැණි අවස්ථාවේදීයි.
පොලිසිය විසින් පසුගියදා කරන ලද කැඳවීමකට වීරවංශ මහතා අද(25) දිනයේ ප්රකාශයක් ලබාදීම සඳහා තලංගම පොලිස් ස්ථානය වෙත පැමිණියා.
පසුගිය 19 වනදාට යෙදී තිබූ රණවිරු දිනය සැමරීම සඳහා වූ පෙරහුරු කටයුතු ඊට පෙර දින, එනම් මැයි මස 18 වන දින සවස් කාලයේ සිදු කෙරෙන අතරතුර විමල් වීරවංශ මහතා ඇතුළු පිරිසක් එම ස්ථානයට රණවිරුවන් සැමරීම සඳහා ගොස් තිබෙනවා.
එහිදී වීරවංශ මහතා එම පෙරහුරු කටයුතුවලට බාධාවන ආකාරයෙන් කළහකාරීව හැසිරුණු බවයි පොලිසිය පවසන්නේ.
ඒ අනුව පසුගිය සිකුරාදා දිනයේදී ප්රකාශයක් ලබාදීම සඳහා තලංගම පොලිස් ස්ථානය වෙත පැමිණෙන ලෙස දැනුම්දී තිබුණත් වීරවංශ මහතා පොලිසිය වෙත දන්වා ඇත්තේ එදින පැමිණීමට නොහැකි බවත් එළැඹෙන සඳුදා දිනයේ, එනම් අද(25) දිනයේ පැමිණෙන බවත්ය.
ඒ අනුව ප්රකාශයක් ලබාදීමට අද(25) පෙරවරුවේ තලංගම පොලිසියට පැමිණි අවස්ථාවේදී වීරවංශ මහතා පොලිසිය විසින් අත්අඩංගුවට ගෙන තිබෙනවා.
