කුලියාපිටිය නගරාධිපති අපේක්ෂක, හිටපු නගරාධිපතිවරු සහ ආසන සංවිධායකවරු කිහිපදෙනකුට ඊයේ පස්වරුවේ පහරදීමක් සිදුව ඇති බව කුලියාපිටිය පොලිසිය පවසනවා. අද පැවැත්වෙන කුලියාපිටිය නගර සභා සභාපති තෝරා පත් කර ගැනීම වෙනුවෙන් කුලියාපිටිය හෝටලයක පැවති සාකච්ඡාවකදී මෙම පහරදීම සිදුව ඇති බවයි අප වාර්තාකරු පවසන්නේ. එම සාකච්ඡාව අතරතුර ඇති වූ උණුසුම් තත්ත්වයක් මත මෙම පහරදීම සිදුව තිබෙනවා. කෙසේ වෙතත් සාකච්ඡාව අතරතුර එක්වරම නැගී සිටි බුද්ධික මහේෂ් මන්ත්රීවරයා තමන්ටද සභාපති ධූරය අවශ්ය බව පවසා අතයි සඳහන්. ඔහු එලෙස පැවසීමෙන් සාකච්ඡාව උණුසුම් වූ බවත්, එහිදී බුද්ධික මහේෂ් නැමැති මන්ත්රීවරයා විසින් පිරිසට පහර දුන් බවත්, පහරකෑමට ලක්වූ සභාපති අපේක්ෂක ගාමිණී කරුණාරත්න පවසා තිබෙනවා. ඊයේ පස්වරුවේ මෙම පහරදීම සිදු වූ අවස්ථාවේ හිටපු අමාත්යවරුන් වන අනුර ප්රියදර්ශන යාපා, අකිල විරාජ් කාරියවසම්, පාර්ලිමේන්තු මන්ත්රී නලින් බණ්ඩාර, උපාලි පියසෝම ඇතුළු පිරිසක් එහි සිට ඇතැයිද අප වාර්තාකරු සඳහන් කළා. සමගි ජනබලවේගය පක්ෂය සහ එක්සත් ජාතික පක්ෂය එක්ව කුලියාපිටිය නගර සභාවේ බලය පිහිටුවීමට සාකච්ඡා කර ඇති බවත් එහිදී මෙම ගැටුම සිදුව ඇති බවත්, අප වාර්තාකරු වැඩිදුරටත් පැවසුවා.
උණුසුම් පුවත්
- විධිමත් පාසල් ක්රමයක් ඇති කළ යුතු බවට ජනපතිගෙන් නිලධාරීන්ට උපදෙස්
- ඊශ්රායල ප්රහාර වලින් ගාසා තීරයේ සිවිල් වැසියන් 41 දෙනෙකු ජීවිතක්ෂයට
- අධිවේගී මාර්ගයේ මගී ප්රවාහන බස් රථවල මගීන්ට ආසන පටි පැළදීම අනිවාර්යයයි
- අතුරුදන් වූ පුද්ගලයින් සම්බන්ධයෙන් විමර්ශන කටයුතු ආරම්භ කරනවා-හර්ෂණ නානායක්කාර
- ජනාධිපති මන්දිර දෙස්විදෙස් සංචාරකයන් සදහා -ජනාධිපති
- අලුත් රුපියල් දෙදාහේ කොලයක් එළියට ?
- සුරූපී තායිලන්ත අගමැතිණිය ධූරයෙන් ඉවතට
- අතුරලියේ රතන හිමි රක්ෂිත බන්ධනාගාරයට