දිවයිනට බලපා ඇති අයහපත් කාළගුණය හේතුවෙන් දිස්ත්‍රික්ක 13 ක් සදහා බලපෑම් එල්ල වී තිබෙනවා.
ආපදා කළමණාකරණ මධ්‍යස්ථානය පැවෙසුවේ ප්‍රාදේශීය ලේකම් කොට්ඨාස 47 ක පවුල් 5930 ක් ආපදාවට ලක් වී ඇති බවයි.
ආපදාවට ලක් වූ පුද්ගලයින් සංඛ්‍යාව 17,599ක්.
පවතින අයහපත් කාළගුණය හේතුවෙන් මේ වන විට එක් පුද්ගල මරණයක් වාර්තා වී තිබෙනවා.
ආපදා කළමණාකරණ ඒකකය පැවසුවේ සුරක්ෂිත මධ්‍යස්ථාන 11 ක පුද්ගලයින් 141 දෙනෙකු මේ වන විට රදවා ඇති බවයි.
මල්වතු ඔය දේ‍රා්ණිය සදහා ගං වතුර පිළිබදව අවධානාත්මක නිවේදනයක් නිකුත් කර තිබෙනවා.
ගත වූ පැය 24 තුල දිවයිනේ වැඩිම වර්ෂාපතනයක් වාර්තා වී ඇත්තේ මඩකලපුව දිස්ත්‍රික්කයේ අයිත්මලේ ප්‍රදේශයෙන්.
එහි වර්ශාපතන අගය දැක්වෙන්නේ මිලිමීටර 116 ක් ලෙසයි.
අම්පාර දිස්ත්‍රික්කයේ ලාහුගල ප්‍රදේශයෙන් මිලිමීටර 73.50 ක වර්ෂාපතනයක් පසු ගිය පැය 24 තුල වාර්තා වී තිබෙනවා.
මේ අතර දිවයිනේ උතුරැ,උතුරැමැද,නැගෙනහිර සහ ඌව පළාත්වලට බලපා ඇති වැසි තත්ත්වය ඉදිරි දින වලදීත් පවතින බව කාළගුණ විද්‍යා දෙපාර්තුමේන්තුව පවසනවා.
එම දෙපාර්තුමේන්තුව නිවේදනයක් නිකුත් කරමින් සදහන් කළේ දිවයිනේ උතුරැ උතුරැමැද නැගෙනහිර සහ ඌව පළාත්වල මිලිමීටර 75 ට වැඩි වර්ෂාපතනයක් ඉදිරි දින වලදී ඇති විය හැකි බවයි.
