මුහුදු මාර්ගය ඔස්සේ ඉන්දියාවට යාමට උත්සහ කළ කාන්තාවක් ඇතුළු 13දෙනෙකු පොලීසිය විසින් අත්අඩංගුවට ගෙන තිබෙනවා. අදාළ පිරිස මුහුදු මාර්ගය ඔස්සේ ඉන්දියාවට යාමට උත්සාහ දරා ඇති අතර ඉන්දීය රේගු නිලධාරීන් විසින් ඔවුන් නැවත මෙරටට හරවා එවා ඇති බවයි වාර්තා වන්නේ.. ඒ අනුව ඔවුන් නැවත මෙරටට පැමිණීමෙන් පසු ඊයේ දිනයේදී කංකසන්තුරය පොලීසිය විසින් අත්අඩංගුවට ගෙන තිබෙනවා. අත්අඩංගුවට ගත් සැකකරුවන් කරුන්කොඩිත්තිව්, මාම්පිටිය, මැදවච්චිය, හල්දුම්මුල්ල, වැල්ලවාය, මොනරාගල, බලංගොඩ, ත්‍රිකුණාමලය, බදුල්ල සහ පොතුවිල් යන ප්‍රදේශවල පදිංචිකරුවන් බවද පොලීසිය පැවසුවා.
