ජනාධිපති ඩොනල්ඩ් ට්‍රම්ප් නව විධායක නියෝග දෙකකට අත්සන් තබා තිබෙනවා. ඒ අමෙරිකාවේ උපත ලබන දරුවන්ට ස්වයංක්‍රීයව පුරවැසිභාවය හිමිවන ප්‍රතිපත්තියට සීමා පැනවීමේ උත්සාහය යළිත් ආරම්භ කරමින්. උපතින්ම පුරවැසිභාවය සීමා කිරීමට ට්‍රම්ප් පරිපාලනය මීට පෙර ගත් උත්සාහය අමෙරිකානු ශ්‍රේෂ්ඨාධිකරණය ප්‍රතික්ෂේප කිරීමෙන් සති කිහිපයකට පසුව මෙම පියවර ගෙන තිබෙනවා. නව නියෝග අනුව, විදේශ රජයන්ගේ සේවකයන්, වංචනික ලෙස පුරවැසිභාවය ලබාගැනීමට උත්සාහ කළ පුද්ගලයන් සහ නීතිය මගින් පුරවැසිභාවය හිමි නොවන අමෙරිකානු භූමි ප්‍රදේශවල සිටින ඇතැම් පුද්ගලයන්ගේ දරුවන්ට උපතින්ම පුරවැසිභාවය ලබා නොදීමට නව නිර්වචන හඳුන්වා දී තිබෙනවා. ඊට අමතරව, ගර්භණී කාන්තාවන් සංචාරක වීසා යටතේ අමෙරිකාවට පැමිණ දරුවන් බිහිකර ඔවුන්ට අමෙරිකානු පුරවැසිභාවය ලබාදීම අරමුණු කරගත් ”බර්ත් ටුවරිසම්” ක්‍රමවේදය තහනම් කිරීමට ද අමරිකානු
ජනාධිපතිවරයා නියෝග කර තිබෙන බව විදෙස් වාර්තාවල සදහන්.
