හිටපු අමාත්යවරයෙකු වන සිවනේෂතුරෙයි චන්ද්රකාන්තන් හෙවත් පිල්ලෙයාන් විසින් ඉදිරිපත් කළ මූලික අයිතිවාසිකම් පෙත්සමක් සලකා බැලීම සඳහා ලබන ජූලි මස 23 වැනිදා කැඳවන ලෙස ශ්රේෂ්ඨාධිකරණය නියම කර තිබෙනවා. තමන්ව අත්අඩංගුවට ගෙන ත්රස්තවාදය වැළැක්වීමේ පනත යටතේ රඳවා ගැනීමට අපරාධ පරීක්ෂණ දෙපාර්තමේන්තුව ගෙන තිබෙන තීරණය තුළින් සිය මූලික මිනිස් අයිතිවාසිකම් උල්ලංඝණය වන බවට තීන්දුවක් ලබා දෙන ලෙස ඉල්ලා සිවනේෂතුරෙයි චන්ද්රකාන්තන් හෙවත් පිල්ලෙයාන් විසින් මෙම මූලික අයිතිවාසිකම් පෙත්සම ගොනු කර ඇති බව සඳහන්. මෙම පෙත්සම එස්. තුරෙයි රාජා, මේනකා විජේසුන්දර සහ සම්පත් විජේරත්න යන මහත්ම මහත්මීන්ගේ සමන්විත ත්රිපුද්ගල ශ්රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබුවා. එහිදී නීතිපතිවරයා වෙනුවෙන් පෙනී සිටි නියෝජ්ය සොලිසිටර් ජෙනරාල් සුහර්ෂි හේරත් මහත්මිය අධිකරණය හමුවේ කරුණු දක්වමින් මෙම පෙත්සමට අදාළ සීමිත විරෝධතා ඉදිරිපත් කිරීම සඳහා සති දෙකක කාලයක් ලබා දෙන ලෙස ඉල්ලා තිබෙනවා. ඒ අනුව සීමිත විරෝධතා ඉදිරිපත් කිරීම සඳහා වගඋත්තරකාර පාර්ශවයට සති දෙකක කාලයක් ලබා දුන් ත්රිපුද්ගල විනිසුරු මඩුල්ල ඊට අදාළ ප්රතිවිරෝධතා තිබේ නම් එතැන් සිට සතියක් තුළ ගොනු කරන ලෙසත් පෙත්සම්කර පාර්ශවයට නියෝග කර ඇති බවද සඳහන්.
උණුසුම් පුවත්
- කුසල්ගෙන් ශතකයක් – සිංහයන්ගෙන් බංගලියන්ට 286ක ඉලක්කයක්
- දහම් පාසල් ගුරුවරුන්ට දීමනාවක්
- ඉන්සියුලින් එන්නත් මිල දී ගැනීමට ලංසු කැඳවයි
- මාලදිවයින සහ ශ්රීලංකාව අතර සහයෝගීතාව සම්බන්ධයෙන් ගිවිසුමක්
- මධ්යම සංස්කෘතික අරමුදලේ අක්රමිකතා සොයන්න කමිටුවක්
- නව ධීවර පනතක් හඳුන්වා දෙයි
- හිටපු සෞඛ්ය ලේකම් ඇපමත මුදාහරියි
- නව සුරාබදු කොමසාරිස් ජනරාල්ට කැබිනට් අනුමැතිය