බෞද්ධ චීවරය ආයුධයක් කරගනිමින් වන විනාශය, පහර දීම් , බැන වැදීම් සහ ප්රචන්ඩත්වය මැද කෙරෙණ භාවනාව කුමක්ද..? මේ දේශපාලන හයිය කාගේද..? – ඇටඹගස්කඩ ශ්රී නිග්රෝධාරාම විහාරයේ විහාර වාසී පුජ්ය පාද උපුල්වැහැර ධම්මානන්ද හිමි ප්රමුඛ ගම්වාසීන් බලධාරින්ගෙන් විමසා සිටිනවා.
වන විනාශයක් සමග අසපුවක් මුල්කර ගනිමින් මැදවච්චිය ඇටඹගස්කඩ ගම්මානයේ විසදුමක් නොමැති ගැටලු රාශියක් පිළිබඳ මාධ්ය වෙත කරුණු අණාවරණය කිරීමට එම ගම්මානයේ පිහිටි ශ්රී නිග්රෝධාරාම විහාරයේ විහාර වාසී පුජ්ය උපුල්වැහැර ධම්මානන්ද හිමි ඇතුලු ගම්විසීන් පිරිසක් අද(26) එම විහාරස්ථානෙය් මාධ්ය සාකච්ඡාවක් පැවැත්වුවා.
මෙම විහාරයට අයත් දායක පවුල් 310ක් මෙම ගම්මානයේ ජීවත්වන අතර මේවන විට ගම්මානයට අයත් ඇටඹගස්කඩ, මහමීගස්කඩ, නීරව්ව රක්ෂිතයේ අක්කර 45 ක් පමන අනවසරයෙන් මෙම අසපු හිමිවරුන් එළිකරමින් තිබෙන බවත් එයට නීතිය ක්රියාත්මක නොවුන බවත් එහිදී මහා සංඝරත්නය ප්රමුඛ ගම්වාසීන් අණාවරනය කර සිටියා.
එමෙන්ම කුඹුරු අක්කර 150 කට යාමට ඇති එකම කෘෂි මාර්ගයද මේවන විට මෙම අසපුවේ චීවරධාරි භික්ෂු පිරිස් විසින් ගම්මානයේ ගොවීන්ට යාමට නොදී ගොවීන්ට පහර දීම් සිදුකර බිය වද්දවා මාර්ගය වසාගෙන ඇති බවද පවසනවා.
මෙම අසපුවේ චීවරධාරි භික්ෂුන් ඒ පිළිබඳ සොයා බැලීමට ආ රාජ්ය නිලධාරින්ට බැන වැදිමින් ගම්වාසීන්ට පහර දී ප්රාදේශීය ලේකම්වරියත් සහ පොලිස් ස්ථානාධිපතිවරුන් ඔවුනට අවනත නොවුන නිසා ස්ථාන මාරු කිරීම් සිදු කර ඇති බවටද ගම්වාසීන් ප්රකාශ කරනවා.
රාජ්ය නිලධාරින් නීතිය ක්රියාත්මක කිරීම තුළින් මේවන විට මෙම ආරාණ්ය පිහිටි රක්ෂිත ප්රදේශයට බලපත්ර නොමැති බවත් එය ලබා ගැනීමේ අරමුණින් සාමාන්ය විදුලිය ආරාණයට තිබුණද වැඩි ධාරිතාවකින් ට්රාන්ස්පෝමරයක් රක්ෂිතයට ඇද ගැනීමට සැලසුම් කර ස්ථීරභාවය සටහන් කරමින් රක්ෂිතයේ හෙළිකළ ප්රදේශවලට බලපත්ර ලබා ගැනීමට සැලසුම් කරන බවද ගම්වාසීන් පවසනවා.
එමෙන්ම එම චීවරධාරි භික්ෂුන් කියාගත් පිරිස විසින් නීරව්ව රක්ෂිතයේ කීර්ති ශ්රී මේඝවර්න රජුගේ සමයේ සිට තිබූ කටාරම් සහිත පුරාවිදයා ගල් කඩා කැනීම් කර ඇති බවද එම පිරිස පවසනවා.
තවත් ගම්මානයේ පිරිස් මේ හේතුවෙන් මුහුණ පා ඇති ගැටලු රැසක් එහිදී අනාවරණය කිරීමට කිරීමට එම පිරිස සමත් වුණා.
ඒ අනුව ඇටඹගස්කඩ ශ්රී නිග්රෝධාරාම විහාරයේ විහාර වාසී පුජ්ය පාද උපුල්වැහැර ධම්මානන්ද හිමි ප්රමුඛ ගම්වාසීන් ඉල්ලා සිටින්නේ මේ පිළිබඳ අවධානය යොමු කරමින් සිය ගම්මානයේ සිදුවන අක්රමිකතාව පිළබද නිසි නීතියක් ක්රියාත්මක කරන ලෙසයි.
