උතුරු දිග සිරියාවේ සිදුවූ බෝම්බ පිපිරීමකින් පුද්ගලයින් 23ක් ජිවිතක්ෂයට පත්ව තිබෙන බව විදෙස් මාධ්‍ය වාර්තා කරනවා.
උතුරු දිග සිරියාවේ මන්බිජ් ප්‍රදේශයේ දී මෙම බෝම්බ පිපිරීම සිදුව ඇති බවයි එරට මාධ්‍ය සඳහන් කරන්නේ.
මෝටර් රථයක අටවා තිබූ බෝම්බයක් මෙලෙස පුපුරා ඇති බව සිරියා ජනාධිපති කාර්යාලය නිවේදනය කරනවා.
එය ත්‍රස්ත්‍රවාදී ප්‍රහාරයක් ලෙසයි ඔවුන් හඳුන්වා තිබෙන්නේ.
මිය ගිය පිරිසට අමතරව තවත් විශාල පිරිසක් තුවාල ලබා ඇති බව ද සඳහන්.
පසුගිය දෙසැම්බර් මාසයේ දී සිරියා ජනාධිපති බෂාර් අල්අසාද්ගේ පාලනය බිඳ වැටීමෙන් අනතුරුව සිදුවූ දැවැන්තම ප්‍රහාරය මෙය ලෙස ද සැලකෙනවා.
එමෙන්ම මාසයක කාලයක් තුළ එම ප්‍රදේශය තුළ සිදුවූ 7 වන බෝම්බ ප්‍රහාරය මෙය බවයි එරට මාධ්‍ය සඳහන් කළේ.
