හොරණ ඇසළ මහා පෙරහැර හෙවත් හොරණ මහා පෙරහැර මංගල්ලයේ දේව දූත පෙරහැර අද රාත්‍රියේ වීදි සංචාරය කිරීමට නියමිතව තිබෙනවා.
ඒ අනුව රාත්‍රී 8 .00 යෙදෙන සුභ මොහොතින් හොරණ රාජමහා විහාරස්ථානයෙන් පෙරහැර මංගල්ලය ආරම්භ වීමට නියමිතයි.
ඉන් පසුව පෙරහැර මංගල්ලය හොරණ නගරය වටා වීදි සංචාරය කර හොරණ වෑවල ඉසිපතනාරමය වෙත ගෙවදීමට නියමිතව තිබෙනවා.
දේව දූත පෙරහැර හේතුවෙන් අද රාත්‍රියේ හොරණ නගරයේ රථ වාහන කටයුතු එක් මන් තීරුවක් දක්වා සීමා කිරීමට තීරණය කර තිබෙනවා.
ඒ අනුව හැකිතාක් විකල්ප මාර්ග භාවිතා කරන ලෙසයි හොරණ පොලීසිය රියදුරන්ගෙන් ඉල්ලා සිටින්නේ.
ඉන් අනතුරුව හෙට රාත්‍රියේ හොරණ මහා පෙරහැරේ අවසන් මහා පෙරහැර වීදි සංචාරය කෙරෙනු ඇති.
