තායිලන්තයේ බැංකොක් අගනුවරදී දැවැන්ත විරෝධතාවයක් පවත්වා ඇති බව අරට මාධ්‍ය වාර්තා කරනවා. ඒ තායිලන්තයේ වත්මන් අගමැති පේටොන්ටාන් ෂිනවත්‍රාගේ රජයට ඉල්ලා අස්වන ලෙස බලකරමින් බවයි සඳහන් වන්නේ. කාම්බෝජය සමඟ පවතින දේශසීමා අර්බුදය සහ මීට සති දෙකකට පමණ පෙර මාධ්‍යය වෙත ලැබී තිබූ අග්‍රාමාත්‍යවරියගේ රහස් දුරකථන සංවාදයකට විරෝධය දක්වමින් ජනතාව මෙලෙස විරෝධතා ආරම්භ කර තිබෙනවා. අග්‍රාමාත්‍යවරිය, කාම්බෝජයේ හිටපු අගමැති හන් සෙන් සමඟ සිදු කර තිබූ මෙම මතභේදාත්මක දුරකථන සංවාදය පිළිබඳ දැඩි කතාබහක් ඇතිව තිබුණා. මේ අනුව එම දුරකථන ඇමතුම මඟින් ඇය තම රටට හානි වන ආකාරයේ සහ සිය හමුදා ප්‍රධානියෙකු පිළිබඳ විරුද්ධවාදී අදහස් පල කර තිබීම හේතුවෙන් මෙලෙස විරෝධතා ආරම්භ වී ඇති බවයි එරට මාධ්‍ය වාර්තා වැඩිදුරටත් සඳහන් කරන්නේ. තිස් අට හැවිරිදි ෂිනවත්‍රා බලයට පත්වූ 2023 වසරේ සිට මේ දක්වා වූ කාලය තුළ විවිධ අවස්ථාවලදී රජයට විරෝධතා එල්ල වූ අතර මෙතෙක් පැවැති විශාලතම විරෝධතාව මෙය බවයි විදෙස් මාධ්‍ය පවසන්නේ. අගමැති ෂිනවත්‍රාට එරෙහිව ලබන මාසයේදී විශ්වාසභංග යෝජනාවක්ද ගෙන ඒමටද නියමිත බවයි වාර්තා වන්නේ.
