හිටපු රාජ්ය අමාත්ය ශෂීන්ද්ර රාජපක්ෂ මහතාව අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගෙන අධිකරණයකට ඉදිරිපත් කර තිබෙනවා.
පැවති ජනතා අරගලයේ දී මහවැලි අධිකාරියට අයත් සෙවනගල, කිරිඉබ්බන් වැව ප්රදේශයේ පිහිටි ඉඩමක අනවරසරයෙන් ඉදිකර ඇති ගොඩනැගිල්ල ඇතුළු දේපොළ කිහිපයකට හානි සිදුව තිබුනා.
එම දේපොළ සඳහා වන්දි ගෙවීමේ දී එය ශ්රී ලංකා මහවැලි අධිකාරිය සතු දේපොළක් බවට හඳුනාගෙන අදාළ වන්දි ගෙවීම ප්රතික්ෂේප කර තිබිය දී ඊට පටහැනිව ඇතැම් රජයේ නිලධාරීන්ට තම නිල බලය භාවිත කරමින් බලපෑම් සිදුකර ඇති බවට ශෂීන්ද්ර රාජපක්ෂ මහතාට චෝදනා එල්ල වී තිබෙනවා.
