උඩරට දුම්රිය මාර්ගයේ අද රාත්‍රීයේදී ධාවනය වීමට නියමිතව තිබූ තැපැල් දුම්රිය ඇතුළු තවත් දුම්රිය ගමන්වාර 07ක් අවලංගු කර තිබෙනවා .
එම දුම්රිය මාර්ගයේ දුම්රියක් පිලී පැනීම හේතුවෙන් මෙලෙස අවලංගු කිරීම් සිදු කර ඇති බවයි වාර්තා වන්නේ .
ඉහළ කොට්ටේ දුම්රිය ස්ථානය ආසන්නයේ ඊයේ දිනයේ පස් කන්දක් කඩා වැටී සිදුවූ පිලි පැනීම හේතුවෙන් අද උදෑසනද දුම්රිය ගමන්වාර 07ක් අවලංගු කිරීමට දුම්රිය දෙපාර්තමේන්තුව පියවර ගනු ලැබුවා.
මේ අතර කඩිගමුව හා බලන අතර දුම්රිය මාර්ගයට පස් කඳු කඩා වැටී තිබීම හේතුවෙන් එම ස්ථානය වෙත ළගා වීම දුෂ්කර බවද දුම්රිය දෙපාර්තමේන්තුව පවසනවා .
මේ හේතුවෙන් අද දින සවස හා රාත්‍රී පහත සඳහන් දුම්රියයන් අවලංගු කිරීමට කටයුතු යොදා ඇති බවයි දුම්රිය දුම්රිය දෙපාර්තමේන්තුව සඳහන් කළේ.
ඒ අනුව පස්වරු 03.35 කොළඹ කොටුව සිට මහනුවර දක්වාද , පස්වරු 04.35 කොළඹ කොටුව සිට මාතලේ දක්වාද ,පස්වරු 05.15 කොළඹ කොටුව සිට මහනුවර දක්වාද , පස්වරු 05.55 කොළඹ කොටුව සිට මහනුවර දක්වාද ගමන් ගන්නා දුම්රිය ධාවනය නොවනු ඇති.
එමෙන්ම පස්වරු 08.30 කොළඹ කොටුව සිට බදුල්ල බලා ධාවනය වන රාත්‍රී තැපැල් දුම්රිය ද ,පස්වරු 03.25 මහනුවර සිට කොළඹ කොටුව දක්වා ධාවනය වන දුම්රිය ද පස්වරු 06.00ට බදුල්ල සිට කොළඹ කොටුව බලා ධාවනය වන දුම්රිය ද අද ධාවනය නොකිරීමටයි තීරණය කර ඇත්තේ .
ඒ අනුව අද දිනය තුල පමණක් දුම්රිය ගමන් වාර 18 ක් අවලංගු කර තිබෙනවා.
