දෙවිනුවර ඓතිහාසික ශ්රී උත්පලපණ්ණ ශ්රී විෂ්ණු මහා දේවාලයේ 769 වන ඇසළ මහා පෙරහැර මංගල්යය අද ආරම්භ වනවා.
එය අගෝස්තු මස 05 වනදා දක්වා පැවැත්වීමට නියමිතයි. පෙරහැර ආරම්භය සිදුවන්නේ සම්ප්රදායික කප්සිටුවීමේ මංගල්යයෙන් වන අතර රන්දෝලි පෙරහැර හා කෝල්මුර යාගයක් පවත්වා දේව දානය දීමෙන් අනතුරුව පෙරහැර මංගල්යය නිමාවට පත් වනවා. මේ අතර මෙම පෙරහැර සම්බන්ධයෙන් අපරාධ කල්ලි නායකයින් දෙදෙනෙකු අතර මතගැටුමක් ඇතිව තබෙනවා. මෙවන් පසුබිමක් තුළ දේවාල භුමිය අසල නිවසකට පෙරේදා දිනයේදී වෙඩි ප්රහාරයක් ද එල්ල වුණා. මේ හේතුවෙන් අද ආරම්භ වන දෙවිනුවර ඓතිහාසික ඇසළ මහා පෙරහැර මංගල්ය වෙනුවෙන් දැඩි ආරක්ෂාවක් ලබා දෙන බවයි පොලිසිය සදහන් කළේ. මේ සදහා පොලිස් නිලධාරීන් 500 කට ආසන්න ප්රමාණයක් ආරක්ෂාව වෙනුවෙන් යොදවා ඇති බව ද පොලිසිය වැඩිදුරටත් සදහන් කළා
