සමලිංගික විවාහ නීතියට සියලු සාමාජික රටවල් ගරු කළ යුතු බවට යුරෝපා සංගමයේ ඉහළ අධිකරණය තීන්දු කර තිබෙනවා.
ජර්මනියේදී විවාහ වූ පෝලන්ත පුරවැසියන් දෙදෙනෙකුගේ විවාහය පිළිගැනීම ප්‍රතික්ෂේප කිරීම සම්බන්ධයෙන් අධිකරණය විසින් පෝලන්තයට දැඩි ලෙස දෝෂාරෝපණය කර තිබුණා.
පෝලන්ත නීතිය තුල සමලිංගික පුද්ගලයන් අතර විවාහයන්ට අවස්තාවක් ලබා දීම සිදු වන්නේ නැහැ .
ඔවුන් දෙදෙනා ආපසු පෝලන්තයට පැමිණි විට මෙම යුවළගේ විවාහය පිළිගැනීම ප්‍රතික්ෂේප කිරීම වැරදි බවයි අධිකරණය අවධාරණය කලේ.
මෙම තීරණය ගමන් කිරීමේ හා පදිංචි වීමේ නිදහසට පමණක් නොව, පුද්ගලික හා පවුල් ජීවිතයට ගරු කිරීමේ මූලික අයිතිවාසිකමට ද හානි කරන බව අධිකරණය සඳහන් කළා.
යුරෝපා සංගමයේ පුරවැසියන්ට සාමාජික රටවලට ගමන් කිරීමට සහ එහිදී සාමාන්‍ය පවුල් ජීවිතයක් ගත කිරීමටත්, මව් රටට ආපසු පැමිණි පසු එය පවත්වාගෙන යාමටත් නිදහස තිබෙන බවයි යුරෝපා අධිකරණය අවධාරණය කර ඇත්f
