සියලු දුර ගමන් බස් රථ ගමන් ඇරඹීමට පෙර මූලික තත්ත්ව පරීක්ෂණයක් සිදුකිරීම අනිවාර්ය කිරීමට රජය තීරණය කර තිබෙනවා.
ලබන මස ආරම්භයේ එය ආරම්භ කිරීමට කටයුතු යොදා ඇති බවයි වාර්තා වන්නේ.
එහි මූලික මූලික අදියර තුළ කොළඹ බැස්ටියන් මාවත සහ මාකුඹුර බහුවිධ ප්‍රවාහන මධ්‍යස්ථානය කේන්ද්‍ර කර ගනිමින් මෙය ක්‍රියාත්මක වනවා.
ඒ ජාතික ගමනාගමන කොමිසමේ අධික්ෂණය යටතේයි.
දුර ගමන් විනෝද චාරිකා බස් රථද මෙම තත්ත්ව පරීක්ෂණය සිදු කිරීම අනිවාර්ය කර ඇති බවයි වාර්තා වන්නේ.
එම තත්ත්ව පරීක්ෂණයෙන් තොරව කිසිදු දුර ගමන් විශේෂචාරිකාවක් සඳහා අනුමැතිය හිමිනොවනු ඇති.
කිලෝමීටර 100ට වැඩි දුරක් ගමන් ගන්නා බස් රථ ධාවනය ආරම්භයට පැය 48කට පෙර යෝග්‍යතා සහතිකයක් ලබා ගත යුතු වනවා.
මෝටර් රථ ප්‍රවාහන දෙපාර්තමේන්තුව මේ සඳහා අවශ්‍ය උපදේශයන් චක්‍රලේඛයක් මගින් නිකුත් කිරීමට කටයුතු සිදු කරමින් පවතිනවා.
පළමුව රථවාහන අලුත් වැඩියාවන් සිදුකරනු ලබන ස්ථාන මෝටර් රථ ප්‍රවාහන දෙපාර්තමේන්තුව මගින් පරික්ෂා කරනු ලබනවා.
ඉන් අනතුරුවයි මෙම යෝග්‍යතා සහතික නිකුත් කිරීමේ බලය ලබාදීමට කටයුතු කරනු ලබන්නේ.
