රාජාංගනය ජලාශයේ වාන් දොරටු දහය අඩි පහක් උසට වාන් හතරක් ද ,අඩි හතරක් උසට වාන් හතරක්ද, අඩි දෙකක් උසට වාන් දෙකක්ද විවෘත කර ඇති බවට රාජාංගනය ජලාශ භාර වාරි ඉංජිනේරු සම්පත් සමරජීව මහතා පැවසීය.
එයින් තත්පරයට ඝන අඩි 9930 ක් කළා ඔයට මුදා හරිනු ලබයි.
අංගමුව ජලාශය වාන් දොරටු දෙක අඩි හතක් උස්සා ඇති බැවින් එයින් තත්පරයට ගණ අඩි 3650 ලුණුඔයට මුදා හරී.
කලා ඔය සහ ලුණුඔය ආශ්‍රිත පහත් බිම්වල සිටින ජනතාවට දැඩි සැළකිළ්ළෙන් සිටින ලෙසට ජලාශ භාර වාරි ඉංජිනේරු සම්පත් සමරජීව මහතා විශේෂයෙන් ජනතාවට දැනුම් දෙනු ලැබීය.
ඉහළ ජල පෝෂක ප්‍රදේශ වලට ඉදිරි කාලයේ දී අධික වර්ෂාවක් ලැබුණහොත් තවත් වාන් දොරටු විවෘත කිරීමට සිදුවන බවද වාරි ඉංජිනේරුතුමන් පැවසීය.
