Author: Aditha Nawod Akalanka

පාකිස්ථානයේ ප්‍රබල භූ කම්පනයක් සිදු වී ඇති බව විදෙස් මාධ්‍ය වාර්තා කරනවා. පාකිස්ථාන ජාතික භූ විද්‍යා සමීක්ශණ මධ්‍යස්ථානය නිවේදනය කර ඇත්තේ මෙම භූ කම්පනය රික්ටර් මාපකයේ ඒකක 4.2 කින් යුක්ත වන බවයි. භූ කම්පනයේ කේන්ද්‍රය පොළෝ මට්ටමේ සිට කිලෝමීටර 180 ක් ගැඹුරින් පිහිටා ඇති බව සදහන්. පාකිස්ථානයට ඊයේ දිනයේද ප්‍රභල භූ කම්පනයක් සිදු ඇති අතර එහි ප්‍රබලත්වය රික්ටර් මාපකයේ ඒකක 4.5ක්. පාකිස්ථාන ජාතික භූ විද්‍යා මධ්‍යස්ථානය සදහන් කළේ මැයි මාසය තුල පමණක් පාකිස්ථානයේ භූ කම්පන 09 ක් වාර්තා වී ඇති බවයි. මාසයක් තුල පාකිස්ථානයේ වාර්තා වූ වැඩිම භූ කම්පන ගණන මෙය වන බවයි එම මධ්‍යස්ථානය වැඩි දුරටත් නිවේදනය කළේ.

පසුගිය දා ක්‍රියාත්මක වූ විශේෂ මදුරු මර්ධන වැඩසටහන තුළින් පාසල් 18ක් වෙත රතු නිවේදන නිකුත් කර ඇති බව ජාතික ඩෙංගු මර්දන ඒකකය පවසනවා. ශ්‍රී ලංකා වෛද්‍ය සංගමය විසින් අද පැවැත්වූ මාධ්‍ය හමුවකට එක්වෙමින් ජාතික ඩෙංගු මර්දන ඒකකයේ ප්‍රජා සෞඛ්‍ය පිළිබඳ විශේඥ වෛද්‍ය වෛද්‍ය අනෝජා ධීරසිංහ මහත්මිය මේ බව සඳහන් කළා. මෙහිදී පාසල් 257ක් පරීක්ෂාවට ලක්කළ අතර එයින් මදුරුවන් බෝවිය හැකි ස්ථාන ඇති පාසල් 131ක් සොයා ගත් බවත් ඇය සදහන් කළේ. එය සියයට 51%ක ප්‍රතිශතයක් බව ද සඳහන් කළ වෛද්‍යවරිය, මදුරු කීටයින් ඇති පාසල් 37ක් හඳුනාගත් බවත් එය සියයට 14.4%ක ප්‍රතිශතයක් බවත් පැවසුවා. සෞඛ්‍ය හා ජනමාධ්‍ය අමාත්‍යාංශය, ජාතික ඩෙංගු මර්දන ඒකකය…

ආනයනය කරන ලද පළමු පොල් කිරි තොගය මේ වන විට නිෂ්කාශන කටයුතු හා රසායනාගාර පරීක්ෂාව සඳහා යොමුකර ඇති බව වැවිලි සහ ප්‍රජා යටිතල පහසුකම් අමාත්‍යංශය පවසනවා . පොල් කර්මාන්තය ආශ්‍රිත කර්මාන්තකරුවන්ට අවශ්‍ය අමුද්‍රව්‍ය සපයාදීම හා ඒ තුළින් දේශීය පොල් මිල පහත හෙළිමේ අරමුණින් මෙලෙස පොල් කිරි ආනයනය සිදු කරනු ලැබුවා. වැවිලි සහ ප්‍රජා යටිතල පහසුකම් අමාත්‍යංශය හා කාර්මාන්ත අමාත්‍යංශය විසින් ඒකාබද්ධව යොමු කළ කැබිනට් අනුමැතිය අනුව මෙම පොල් කිරි තොගය මෙරටට රැගෙන විත් ඇති බවයි වාර්තා වුනේ. . එමෙන්ම, මෙම ගෙන්වන ද්‍රව්‍ය කොළඹ වරායේදී, ශාඛ නිරෝධායන ආයතනය, ප්‍රමිති ආයතනය, පොල් පර්යේෂණ ආයතනය, කෘෂිකර්ම දෙපාර්තමේන්තුව ඇතුළු පරීක්ෂා කළ යුතු සියලු ආයතනවලින්…

අධ්‍යාපන අමාත්‍යංශයේ ක්‍රිස්තියානි උපදේශක මණ්ඩලය සඳහා 2025 වසරේ සිට 2028 වසර දක්වා පත්කරනු ලබන නව සාමාජිකයින් වෙත පත්වීම් ලිපි ප්‍රදානය අග්‍රාමාත්‍ය ආචාර්ය හරිනි අමරසූරිය මෙනවිය අතින් අධ්‍යාපන අමාත්‍යාංශයේදී සිදු කෙරුණා. මෙහි දී නව සාමාජිකයින් 15 දෙනෙකු වෙත අග්‍රාමාත්‍යවරිය විසින් පත්වීම් ලිපි ප්‍රදානය කරනු ලැබුවා. පත්වීම් ප්‍රදානයෙන් අනතුරුව උපදේශක මණ්ඩලය මෙරට පාසල් පද්ධතිය සහ උසස් අධ්‍යාපන පද්ධතිය තුළ ක්‍රිස්තියානි ආගම සම්බන්ධයෙන් පවතින ගැටලු පිළිබඳව ආත්‍යතුමිය සමඟ සාකච්ඡා කළ බවයි වාර්තා වුනේ.

දේශපාලන රැකවරණය මත ගොඩනැගී තිබූ අපරාධ රාජ්‍යය වෙනුවට, යහපත් රටක් ලෙස මේ රට ජාත්‍යන්තරයේ ඔසවා තැබීමේ වගකීම දිවි හිමියෙන් ඉටුකරන බව ජනාධිපති අනුර කුමාර දිසානායක මහතා පවසනවා. ශ්‍රී ලංකාව ස්වභාවික සම්පතින් අනූන, සශ්‍රික රටක් වුවද පෙර පාලකයන්ගේ සැලැස්මකින් තොර ක්‍රියාකලාපයන් හේතුවෙන් රටට සංවර්ධනය අහිමි වූ බවයි ජනාධිපතිවරයා අවධාරණය කළේ. වත්මන් රජය ක්‍රමිකව සහ ස්ථාවරව රටේ ජාතික ආර්ථිකය ගොඩනගමින් සිටින බවද ජනාධිපතිවරයා පෙන්වා දුන්නා. ජනාධිපති අනුර කුමාර දිසානායක මහතා මේ බව සදහන් කළේ ගල්කිරියාගම, පහමිණියාගම සිරි සමාධි මහා විහාරයේ ධාතු මන්දිරය විවෘත කිරීම හා මෙත් බෝසත් පිළිරුව නිරාවරණය කිරීමේ උත්සයට එක් වෙමින්. පූජ්‍ය කාගම සිරිනන්ද හිමිපාණන් වහන්සේගේ ආරාධනයෙන් ජනාධිපතිවරයා මෙම අවස්ථාවට…

බටහිර ගාසා තීරය තුල ඊශ්‍රායල ජනාවාස ව්‍යාප්ත කිරීම ආරම්භ කරන බව ඊශ්‍රායල ආරක්ශක අමාත්‍යංශය නිවේදනය කර තිබෙනවා. ඊශ්‍රායල ආරක්ශක අමාත්‍ය ඊශ්‍රායල් කැට්ස් නිවේදනය කර ඇත්තේ බටහිර ගාසා තීරය තුල යුදෙව් ජනාවාස 22 ක් ස්ථාපිත කිරීම සදහා ඊශ්‍රායල අගමැති බෙන්ජමින් නෙතන්යාහු අනුමැතිය දී ඇති බවයි. මේ අතර මෙම ජනවාස සදහා නීත්‍යානුකූල භාවයද ඊශ්‍රායලය ලබා දෙන බවයි එම නිවේදනයේ වැඩි දුරටත් දක්වා ඇත්තේ. මේ අතර ඊශ්‍රායලය මධ්‍යම ගාසා තීරය වෙත සිදු කරන ප්‍රහාර ඉහළ දමා ඇති බව විදෙස් මාධ්‍ය වාර්තා කරනවා. අද මධ්‍යම ගාසා තීරය වෙත සිදු කළ ප්‍රහාරයකින් බුරෙයිජ් සරණාගත කදවුරේ සිටි සිවිල් වැසියන් 23 දෙනෙකු මිය ගොස් ඇති බවයි වාර්තා…

ජාතික අධ්‍යාපන කවුන්සිලයේ නව සභාපතිවරයා සහ උපසභාපතිවරයා අග්‍රාමාත්‍ය ආචාර්ය හරිනි අමරසූරිය මෙනවිය හමුවී තිබෙනවා. ජාතික අධ්‍යාපන කොමිසමේ නව සභාපති මහාචාර්ය සරත් ආනන්ද මහතා සහ , නව උපසභාපති තිලක් ධර්මරත්න මහතා අග්‍රාමාත්‍යවරිය හමුවී මෙරට අධ්‍යාපන ප්‍රතිසංස්කරණ පිළිබද සාකච්ඡා කර ඇති බවයි වාර්තා වුනේ.. අධ්‍යාපන ක්ෂේත්‍රය වෙනුවෙන් ජාතික අධ්‍යාපන කවුන්සිලයෙන් විය යුතු සේවාව අග්‍රාමාත්‍යවරිය මෙහිදි පැහැදිලි කර තිබෙනවා. එමෙන්ම නව අධ්‍යාපන ප්‍රතිසංස්කරණ වෙනුවෙන් වාර්තා සකස් කිරීම සහ අධීක්ෂණ කටයුතු සිදුකිරීම මෙන්ම ස්වාධීන නියාමනයන් ලබාදීම ජාතික අධ්‍යාපන කොමිසමේ මූලික වගකිමක් සේ සලකා කටයුතු කරන ලෙසයි අග්‍රාමාත්‍යවරිය මෙහිදි දැනුම් දී ඇත්තේ.

2026 අයවැය සඳහා අදහස් හා යෝජනා ලබාගැනීම සම්බන්ධයෙන් ජනාධිපති අනුර කුමාර දිසානායක මහතාගේ මූලිකත්වයෙන් දිස්ත්‍රික් සම්බන්ධීකරණ කමිටු සභාපතිවරු හා මුදල් අමාත්‍යාංශයේ නිලධාරින් අතර සාකච්ඡාවක් ජනාධිපති කාර්යාලයේදී පවත්වා තිබෙනවා. ඉදිරි අයවැය සැකසීමේදී දිස්ත්‍රික් මට්ටමින් ජනතාවගේ මූලික සහ කඩිනම් අවශ්‍යතා සපුරාලීමට ප්‍රමුඛත්වය ලබාදීමේ අවශ්‍යතාව ජනාධිපතිවරයා මෙහිදී අවධාරණය කර තිබුණා. දිස්ත්‍රික් මට්ටමින් ක්‍රියාත්මක සංවර්ධන ව්‍යාපෘති පිළිබඳව මෙහිදී දීර්ඝ ලෙස සාකච්ඡා කර ඇති බවයි වාර්තා වුනේ. යටිතල පහසුකම් සංවර්ධනය සහ ජනතාවගේ වෙනත් කඩිනම් සංවර්ධන අවශ්‍යතා හඳුනා ගනිමින් එම ව්‍යාපෘති ඉදිරියට ක්‍රියාත්මක කිරීම පිළිබඳවද මෙහිදී දීර්ඝ වශයෙන් සාකච්ඡා කර තිබුණා.

නුවරඑළිය ගැරඬිඇල්ල ප්‍රදේශයේ මාරක බස් අනතුර සිදුවූ ආකාරය සම්බන්ධයෙන් සිදුකළ විමර්ශනයේ පරීක්ෂණ මණ්ඩල වාර්තාව නිකුත් කර තිබෙනවා. පසුගිය 11 වනදා අලුයම 4:45ට පමණ නුවරඑළිය – මහනුවර මාර්ගයේ ගැරඬිඇල්ල ප්‍රදේශයේදී කතරගම සිට කුරුණෑගල බලා ධාවනය වූ භක්‍ – 1144 දරණ ලංකා ගමනාගමන මණ්ඩලයට අයත් බස් රථය ප්‍රපාතයකට පෙරළීමෙන් මෙම අනතුර සිදුවුනා. එම අනතුරින් මගීන් 23 දෙනෙකු මියගිය අතර තවත් 60 දෙනෙකු තුවාල ලැබා රෝහල් ගත කරනු ලැබුවා. අනතුරින් 43 හැවිරිදි තිස්සමහාරාම ප්‍රදේශයේ පදිංචි කතරගම ඩිපෝවට අනුයුක්තව සේවය කළ රියදුරා ද ජීවිතක්ෂයට පත් වුනා. මෙම අනතුර සම්බන්ධයෙන් 6 දෙනෙකුගෙන් යුත් පරීක්ෂණ මණ්ඩලයක් විමර්ශන සිදුකළ අතර ඔවුන් ස්ථානීය පරීක්ෂණ මෙන්ම කොත්මලේ පොලිස් ස්ථානයේදී…

අධිකරණයට අපහාස කරීම සම්බන්ධයෙන් චෝදනා ලබා වරදකරු වී සිර දඬුවම් නියම වී සිටි බොදුබල සේනා සංවිධානයේ මහලේකම් පූජ්‍ය ගලගොඩ අත්තේ ඥානසාර හිමිට සමාව ප්‍රදානය කර නිදහස් කිරීමට එවක ජනාධිපති මෛත්‍රිපාල සිරිසේන මහතා විසින් ගනු ලැබූ තීරණයට අදාළ ලේඛන අධිකරණයට ඉදිරිපත් කර තිබෙනවා. නීතිපතිවරයා විසින් ශේෂ්ඨාධිකරණයට මේ බව දැනුම්දී තිබුණා. ඥානසාර හිමිට ප්‍රදානය කර තිබෙන සමාව බල රහිත කිරීමේ තීන්දුවක් ලබා දෙන ලෙස ඉල්ලා සන්ධ්‍යා එක්නැළිගොඩ විසින් මූලික අයිතිවාසිකම් පෙත්සම් ඉදිරිපත් කර තිබුණා. එම පෙත්සම කැඳවූ අවස්ථාවේදී නීතිපතිවරයා වෙනුවෙන් පෙනී සිටි නියෝජ්‍ය සොලිසිටර් ජෙනරාල් රජිත පෙරේරා මහතා මෙම දැනුම්දීම සිදු කළ බවයි වාර්තා වුනේ. මෙම පෙත්සම් එස්. තුරෙයි රාජා කුමුදුනී වික්‍රමසිංහ…