Author: Aditha Nawod Akalanka

ඌව,නැගෙනහිර පළාත් සහ හම්බන්තොටපොළොන්නරුව දිස්ත්‍රික්ක සඳහා ප්‍රබල අකුණු පිළිබඳ අවවාදාත්මක නිවේදනයක් නිකුත් කර තිබෙනවා. කාලගුණවිද්‍යා දෙපාර්තමේන්තුව සඳහන් කර ඇත්තේ, එම නිවේදනය අද රාත්‍රී 11 දක්වා බලපැවැත්වෙන බවයි. මෙම ප්‍රදේශවල ජනතාවට සැලකිලිමත් වෙන ලෙසත් ගිගුරුම් සහිත වැසි ඇති වෙන විට අදාළ ප්‍රදේශවල තාවකාලිකව තද සුළං ඇති විය හැකි බවත් කාළගුණ විද්‍යා දෙපාර්තුමේන්තුව වැඩි දුරටත් සදහන් කළා.

පළාත් පාලන ආයතන සඳහා නියෝජිතයන් පත් කිරීමේදී ඔවුන් ලබාගත් ඡන්ද ප්‍රතිශතය පමණක් සැලකිල්ලට ගැනීමට එක්සත් ජාතික පක්ෂය තීරණය කර තිබෙනවා. ඒ අනුව එක්සත් ජාතික පක්ෂය නියෝජනය කරමින් පළාත් පාලන ආයතනවලට පත්වීමට සුදුසුකම් ලබන්නේ වැඩිම ඡන්ද ප්‍රතිශතය ගත් අපේක්ෂකයන් පමණයි. එක්සත් ජාතික පක්ෂයේ පළාත් පාලන ආයතන නියෝජිතයන් පත්කිරීම සඳහා පත්කරන ලද කමිටුව විසින් ගන්නා ලද මෙම තීරණය කිසිදු හේතුවක් මත වෙනස් නොකරන ලෙස එක්සත් ජාතික පක්ෂ නායක හිටපු ජනාධිපති රනිල් වික්‍රමසිංහ මහතා උපදෙස් ලබා දී තිබෙනවා.

රාජ්‍ය ආයතනවලට ඉන්ධන සැපයීම සඳහා නව කාඩ්පතක් හඳුන්වා දී තිබෙනවා. රජයේ ඩිජිටල්කරණ ප්‍රතිපත්ති යටතේයි මෙය හඳුන්වාදී ඇත්තේ. ලංකා ඛනිජ තෙල් නීතිගත සංස්ථාව මගින් රාජ්‍ය ආයතනවලට ඉන්ධන සැපයීම සඳහා ලංකා බැංකුව සමග එක්වයි ඩිජිටල් කාඩ්පතක් හඳුන්වා දීමට කටයුතු කළේ.. මෙහි සමාරම්භක උත්සවය පැවැත්වුණේ ඛනිජ තෙල් නීතිගත සංස්ථාවේ සභාපති ඩී ජේ ඒ එස් ද රාජකරුණා මහතාගේ ප්‍රධානත්වයෙන්. ලංකා බැංකුවේ නිපැයුම් හා බැංකු කටයුතු පිළිබඳ නියෝජ්‍ය කළමනාකරු වයි එල් ඒ ජයතිලක මහතා ද මෙම අවස්ථාවට සහභාගී වී සිටියා.

ග්‍රීසියේ ක්‍රීට් වෙරළ ආසන්නයේ රික්ටර් මාපකයේ ඒකක 6 ක ප්‍රභල භූ කම්පනයක් සිදු වී තිබෙනවා. භූ කම්පනයේ කේන්ද්‍රය පොළෝ මට්ටමේ සිට කිලෝමීටර 77 ක් ගැඹුරින් පවතින බවයි ජර්මානු භූ විද්‍යා සමීක්ෂණ ආයතනය නිවේදනය කර ඇත්තේ. ඒ අනුව ඉදිරි පැය කිහිපයේදී ග්‍රීසියේ වෙරළ කළාප වෙත සුනාමි රළ ඇතුලු වීමේ අවධානමක් පවතින බවයි ජර්මානු භූ විද්‍යා සමීක්ෂණ ආයතනය නිවේදනය වැඩි දුරටත් සදහන් කළේ.

රුපියල් ලක්ෂ පහක අල්ලසක් ලබා ගත් බව කියන පොලිස් පරීක්ෂකවරයෙකු අල්ලස් කොමිසම මගින් අත්අඩංගුවට ගෙන තිබෙනවා. සෙට්ටිකුලම ප්‍රදේශයේ පදිංචිකරුවෙකු අල්ලස් කොමිසමට පැමිණිලි කර තිබුණේ ඉඩම් ආරවුලක් සමතයකට පත්කරලීම සඳහා පුවරසන්කුලම පොලිස් ස්ථානාධිපතිවරයා රුපියල් ලක්ෂ පහක මුදලක් ඉල්ලා සිටි බවයි. ඒ අනුව එම අල්ලස් මුදල ඔහුගේ නිල කාමරයේ දී ලබා ගන්නා අවස්ථාවේ අල්ලස් කොමිසමේ නිලධාරීන් විසින් අත්අඩංගුවට ගනු ලැබ තිබෙනවා. සැකකරු අද දින අධිකරණයට ඉදිරිපත් කිරීමට නියමිත බවයි අල්ලස් හෝ දූෂණ චෝදනා විමර්ෂණ කොමිෂන් සභාව පැවසුවේ.

ශ්‍රී ලංකා් ක්‍රිකට් කණ්ඩායම එළඹෙන ජුලි මාසයේ දී දීර්ඝ තරග සංචාරයක් සඳහා ඕස්ටේ්‍රලියාව බලා පිටත්ව යාමට නියමිතයි. මෙම තරගාවලිය එක්දින තරග තුනකින් සහ සිව්දින තරග දෙකකින් සමන්විත වනවා. තරග සියල්ල ඕස්ටේ්‍රලියාවේ ඩ්‍රෝවින් හි මරාරා ක්‍රීඩාංගණයේ දී පැවැත්වීමටයි සැලසුම් කර ඇත්තේ. මෙම තරගාවලිය එළඹෙන ජූලි මස 04 වනදා සිට ජූලි මස 23 වනදා දක්වා පැවැත්වෙනු ඇති.

පාකිස්තානයේ බලුකිස්තාන් පළාතේ පාසල් බස් රථයක් ඉලක්ක කර ගනිමින් මරාගෙන මැරෙන කාර් බෝම්බ ප්‍රහාර එල්ල වී ඇති බව විදෙස් මාධ්‍ය වාර්තා කරනවා. ඉන් පාසල් ළමුන් සිව්දෙනෙකු මියගොස් තවත් 38 දෙනෙකු තුවාල ලබා ඇති බවයි වාර්තා වන්නේ. තුවාල ලැබූවන්ගෙන් කිහිප දෙනෙකුගේ තත්ත්වය බරපතළ වන අතර මරණ සංඛ්‍යාවද ඉහළ යනු ඇති බවට විදෙස් මාධ්‍ය වාර්තා කර තිබුණා.

දුම්කොල හා මධ්‍යසාර පිළිබඳ ජාතික අධිකාරියේ නව සභාපතිවරයා ලෙස වෛද්‍ය ආනන්ද රත්නායක මහතා පත් කර තිබෙනවා. දුම්කොල හා මධ්‍යසාර පිළිබඳ ජාතික අධිකාරියේ නව සභාපති වෛද්‍ය ආනන්ද රත්නායක මහතා වෙත පත්වීම් ලිපි ප්‍රදානය අමාත්‍ය වෛද්‍ය නලින්ද ජයතිස්ස මහතා අතින් සිදු කෙරුණා. ඒ ජනමාධ්‍ය අමාත්‍යාංශයේදීයී. නියෝජ්‍ය අමාත්‍ය වෛද්‍ය හංසක විජේමුණි මහතාද මෙම අවස්ථාවට එක්ව සිටියා. වෛද්‍ය ආනන්ද රත්නායක මහතා කීර්තිමත් වෛද්‍ය හා සෞඛ්‍ය සේවා වෘත්තිකයෙකු වන අතර ඔහු ශ්‍රී ජයවර්ධනපුර දන්ත වෛද්‍ය පීඨයේ ජ්‍යෙෂ්ඨ කථිකාචාර්යවරයෙකු ද වනවා

පූර්ව අනතුරු ඇගවීම් හා අනාවැකිකරණ තීන්දු තීරණ සඳහා උපකාර කරන නව මෘදුකාංගයක් එළිදැක්වීම බත්තරමුල්ල ජාත්‍යන්තර ජල කළමනාකරණ ආයතනයේ දී සිදු කෙරුණා. ආපදා වළක්වා ගැනීමට මෙන්ම කාලගුණික දේශගුණික තත්ත්වයන් පිළිබද පූර්ව නිගමනවලට එළඹීමට මෙම මෘදුකාංගය භාවිත කිරීමෙන් හැකියාව ලැබෙන බවයි ආපදා කළමනාකරණ මධ්‍යස්ථානයේ අධ්‍යක්ෂ ජනරාල් විශ්‍රාමික මේජර් ජනරාල් සම්පත් කොටුවේගොඩ මහතා සදහන් කළේ.

අල්ලස් කොමිසම මගින් අත්අඩංගුවට ගෙන අධිකරණයට ඉදිරිපත් කළ හිටපු අමාත්‍ය කෙහෙලිය රඹුක්වැල්ල මහතාගේ පුත් රමිත් රඹුක්වැල්ල මහතා ජූනි 3ව නදා දක්වා රක්ෂිත බන්ධනාගාර ගත කර තිබෙනවා. කෙහෙළිය රඹුක්වැල්ල හිටපු අමාත්‍යවරයාගේ පුත් රමිත් රඹුක්වැල්ල මහතා අල්ලස් හෝ දුෂණ චෝදනා විමර්ශන කොමිෂන් සභාව මඟින් අත්අඩංගුවට ගෙන තිබුණා. ඒ ඔහු ප්‍රකාශයක් ලබාදීම සඳහා අල්ලස් කොමිසම හමුවට පැමිණි අවස්ථාවේදීයි. අල්ලස් කොමිසම විසින් “දූෂණය” නැමති වරද සිදුකළේ යැයි සැකපිට පැමිණිලි තුනකට අදාළව අත්අඩංගුවට ගෙන රක්ෂිත බන්ධනාගාර ගත කර සිටි හිටපු අමාත්‍ය කෙහෙළිය රඹුක්වැල්ල මහතා ලබන 03 වනදා දක්වා තවදුරටත් රක්ෂිත බන්ධනාගාර ගත කරන ලෙසයි කොළඹ ප්‍රධාන මහෙස්ත්‍රාත් තනූජා ලක්මාලී මහත්මිය ඊයේ නියෝග කළේ. එමෙන්ම අදාළ…