Author: Anura Premakumara

ශ්‍රී ලංකා නාවික හමුදාව, මුලතිව් නයාරු හා අලම්පිල් ප්‍රදේශයන්ට ඔබ්බෙන් වූ මුහුදු ප්‍රදේශයන්හි සහ පුල්‍මුඩේ කෝකිලායි ප්‍රදේශයට ඔබ්බෙන් වූ මුහුදු ප්‍රදේශයේ සහ කෝකිලායි කලපු ප්‍රදේශයේ දී මෙම විශේෂ මෙහෙයුම් සිදු කලා. මේ අතර නැගෙනහිර නාවික විධානයට අයත් ශ්‍රී ලංකා නාවික නෞකා ගෝඨාභය අයතනය මඟින් මුලිතිව් නයාරු හා අලම්පිල් ප්‍රදේශයන්ට ඔබ්බෙන් වූ මුහුදු ප්‍රදේශයන්හි විශේෂ සෝදිසි මෙහෙයුමකදි නීති විරෝධි ලෙස  ධීවර කටයුතු සිදුකළ පුද්ගලයින් දහ දෙනෙකු සමඟ ඩිංගි යාත්‍රා තුනක්  සහ නීති විරෝධී ධීවර ආම්පන්න නාවික හමුදා භාරයට ගැනුණා. එමෙන්ම, නැගෙනහිර නාවික විධානයට අයත් ශ්‍රී ලංකා නාවික නෞකා රන්වැලි අයතනය මඟින් පුල්මුඩේ කෝකිලායි ප්‍රදේශයට ඔබ්බෙන් වූ මුහුදු ප්‍රදේශයේ සහ කෝකිලායි කලපු…

යම් කිසි ප්‍රදේශයකට පොහොර නිසි පරිදි ලැබී නොමැති නම් එය නිලධාරින්ගේ වරදක් බව කෘෂිකර්ම අමාත්‍ය මහින්ද අමරවීර මහතා පවසනවා. විවිධ දේශපාලන පක්ෂවලට ගැතිව කටයුතු කරන නිලධාරින් හේතුවෙන් සිදු කරගෙන යන ප්‍රතිපත්තිමය ක්‍රියාවලිය සදහා ද යම් කිසි බාධාවක් සිදුවන බවටයි ඒ මහතා වැඩිදුරටත් කියා සිටියේ.

ඉන්දීය විනිසුරු ජටින් කාශ්‍යප් ට එරෙහිව ජගත් ක්‍රිකට් කවුන්සලය විසින් දූෂණ චෝදනා ගොණු කර තිබෙනවා අයිගසීගසී දූෂන මර්දන සංග්‍රහයේ වගන්ති දෙකක් උල්ලංඝනය කළ බවටයි ඔහුට චෝදනා එල්ල වී ඇත්තේ 2022 වසරේ පැවැති ජාත්‍යන්තර තරග සම්බන්ධයෙන් සිදු කෙරුණු විමර්ශනයකදී ඔහු මෙම වගන්ති උල්ලංඝනය කර ඇති බවට හදුනා ගෙන තිබෙනවා චෝදනා සදහා ප්‍රතිචාර දැක්වීමට එම විනිසුරුවරයාට දින 14 ක කාලයක් ලබා දීමටයි අයිගසීගසීය පියවර ගෙන ඇත්තේ

මේ දිනවල පැපුවා නිව්ගිනියා හි සංචාරයක නිරත ඇමරිකානු රාජ්‍ය ලේකම් ඇන්තනි බ්ලින්කන් ආරක්ෂක ගිවිසුමකට අත්සන් කර තිබෙනවා. ඒ, කලාපීය ආරක්ෂාව සම්බන්ධයෙන්. පැපුවා නිව්ගිනියා රාජ්‍යයේ සිටින ප්‍රාදේශීය නායකයින් 06 දෙනෙකු සමගයි මෙම ගිවිසුමට එළඹ ඇත්තේ. ඇමරිකානු ජනාධිපති ජෝ බයිඩ්න් පැපුවා නිව්ගිනියා හි සංචාරයක නිරත වීමට නියමිතව තිබුණත් අවසන් මෙහොතේ එය අවලංගු කරනු ලැබුවේ ජී 7 සමුළුවත් සමග ජනාධිපතිවරයා කාර්ය බහුල වීම හේතුවෙන්. කෙසේවෙතත් ඇන්තනි බ්ලින්කන් සිය සංචාරයේදී ඩොලර් මිලියන ගණනක ආධාර ලබාදීමටද පොරොන්දු වී තිබෙනවා.

බටහිර ස්පාඤ්ඤයේ හටගෙන ඇති ලැව්ගිනි හේතුවෙන් අක්කර විසිදහසකට ආසන්න භූමි ප්‍රමාණයක් සම්පුර්ණයෙන් විනාශයට පත්ව තිබෙනවා. ස්පාඤ්ඤ පෘතුගාල දේශසීමා ආසන්නයේයි මෙම ලැව්ගිනි හටගෙන ඇත්තේ. 600ක පමණ පිරිසක් ආරක්ෂිත ස්ථාන කරා යොමු කිරීමට සහන කණ්ඩායම් පියවරගෙන තිබෙනවා. ලැව්ගිනි පාලනය කිරීම සදහා 500කට ආසන්න පිරිසක් යොදවා ඇති බවයි වාර්තා වන්නේ. අධික සුළං හේතුවෙන් ලැව්ගිනි මැඩපැවැත්වීම අසීරු කාර්යක් වී ඇති බව ගිනි නිවන කණ්ඩායම් පවසනවා. ස්පාඤ්ඤ ප්‍රාදේශිය මැතිවරණය ලබන සතියේ දී පැවැත්වීමට නියමිත අතර ලැව්ගිනි හේතුවෙන් මැතිවරණ ප්‍රචාරණ කටයුතු ද අත්හිටු වීමටයි දේශපාලන පක්ෂ පියවර ගෙන ඇත්තේ.

පාසල් වාර ප්‍රවේශ පත්‍ර ගාස්තුව සියයට 25ක් 30 අතර අගයකින් ඉහළ දැමීමට ප්‍රවාහන අමාත්‍යාංශය තීරණය කර තිබෙනවා. පාසල් වාර ප්‍රවේශ පත්‍රයට අමතර විශ්ව විද්‍යාල සහ කාර්මික විද්‍යාල සඳහා ලබාදෙන වාර ප්‍රවේශ පත්‍ර ගාස්තුවද ඉහළ දැමීමටයි කටයුතු කර ඇත්තේ. එමෙන්ම පාසල් ප්‍රවාහන බස් රථ සේවය ඉවති කරනවාද නැතහොත් තවදුරටත් පවත්වාගෙන යනවාද යන්න තීරණය වන්නේ මෙම ගාස්තු වැඩි කිරීම මත බවයි අම්පාර ප්‍රදේශයේ පැවති උත්සවයකට එක්වෙමින් ප්‍රවාහන අමාත්‍ය බන්දුල ගුණවර්ධන කියා සිටියේ.

බස්නාහිර, දකුණු සහ වයඹ පළාත්වල වෙරළබඩ ප්‍රදේශවල අද වැසි ස්වල්පයක් ඇති වන බව කාලගුණ විද්‍යා දෙපාර්තමේන්තුව පවසනවා. එමෙන්ම නැගෙනහිර සහ ඌව පළාත්වලත් පොලොන්නරුව, මුලතිවු දිස්ත්‍රික්කවලත් සවස් කාලයේ දී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති වීමේ හකියාවක් පවතින බව එම නිවේදනයේ සඳහන්. කාලගුණ විද්‍යා දෙපාර්තමේන්තුව ජනතාවගෙන් ඉල්ලා සිටින්නේ ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසයි.

ජුලි මස 01 වන දින සිට ක්‍රියාත්මක වන පරිදි උද්භිද උද්‍යාන සඳහා ඇතුළුවීමේ ගාස්තු ඉහළ දැමීමට රජය තීරණය කර තිබෙනවා . සංචාරක හා ඉඩම් අමාත්‍ය හරීන් ප්‍රනාන්දු මහතා විසින් ඊට අදාළ ගැසට් නිවේදනය නිකුත් කර ඇති බව වර්තවනවා . ඒ අනුව, දේශීය වැඩිහිටි පුද්ගලයින් සඳහා ඇතුළුවීමේ ගාස්තුව රුපියල් 200ක් වන අතර ළමුන් සඳහා ඇතුළුවීමේ ගාස්තුව රුපියල් 30ක් වනවා . මීට පෙර වැඩිහිටියන් සඳහා රුපියල් 100ක් සහ ළමුන් සඳහා රුපියල් 20ක් ලෙස අයකිරීම් සිදුකෙරුණා . එමෙන්ම විදේශීය වැඩිහිටියන්ට උද්භිද උද්‍යාන සඳහා ඇතුළුවීමේ ගාස්තුව රුපියල් 3,000ක් වන අතර විදේශීය ළමුන් සඳහා එම ගාස්තුව රුපියල් 1,500ක් බව වාර්තා වනවා . විදේශීය වැඩිහිටියන් සඳහා…

ආයුර්වේද පනත සංශෝධනය කිරීමට අමාත්‍ය මණ්ඩල අනුමැතිය හිමිව තිබෙනවා ඒ අනුව ඉදිරියේ දී අදාළ පනත් කෙටුම්පත රජයේ ගැසට් පත්‍රයේ පළ කර ඉන් අනතුරුව පාර්ලිමේන්තුවට ඉදිරිපත් කිරීමට නියමිතයි කැබිනට් ප්‍රකාශක අමාත්‍ය බන්දුල ගුනවර්ධන මහත අද පැවති කැබිනට් තීරණ දැනුම්දීමේ මාධ්‍ය හමුවට එක් වෙමින් මේ බව ප්‍රකාශ කළා

කථානායකවරයාගේ ප්‍රධානත්වයෙන් අද පෙරවරු 09.30 ට පාර්ලිමේන්තුවේ කටයුතු ආරම්භ වුණා පාර්ලිමේන්තු සන්නිවේදන දෙපාර්තමේන්තුව සඳහන් කළේ අද සිට ලබන 26 වන දින දක්වා පාර්ලිමේන්තුව රැස්වීමට නියමිත බවයි බදු සංශෝධන පනත් කෙටුම්පත් ඇතුළු පනත් කෙටුම්පත් කිහිපයක් පිළිබඳ විවාදය අද දිනයේදී පැවැත්වෙනවා