Author: Anura Premakumara

හිටපු නාවික හමුදාපති නිශාන්ත උළුගේතැන්න මහතා සැප්තැම්බර් මස 10 වැනිදා දක්වා යළි රක්ෂිත බන්ධනාගාර ගත කර තිබෙනවා. ඒ පොල්ගහවෙල මහේස්ත්‍රාත් පී.පී.ජේ ප්‍රනාන්දු මහතා අද(27) නිකුත් කළ නියෝගයකට අනුවයි. 2010 අගෝස්තු 26 හෝ ඊට ආසන්න දිනකදි අලව්ව පොලීසිය මගින් අත්අඩංගුවට ගෙන කුරුණෑගල රෝහලේ නවතා සිටි පුද්ගලයකු දෑස් බැඳ පැහැරගෙන ගොස් අතුරුදහන් කිරීමක් සම්බන්ධ නඩුවකට එවකට නාවික හමුදා බුද්ධි අධ්‍යක්ෂකවරයා ලෙස කටයුතු කල හිටපු නාවික හමුදාපතිවරයා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන පසුගිය ජූලි 28 පොල්ගහවෙල මහේස්ත්‍රාත් අධිකරණයට ඉදිරිපත් කිරීමෙන් පසු ජූලි 30 දක්වා රක්ෂිත බන්ධනාගාර ගත කරනු ලැබීය. ජූලි 30 වනදා පොල්ගහවෙල මහේස්ත්‍රාත් පී පී ජේ ප්‍රනාන්දු වෙත ඉදිරිපත් කිරීමෙන් අනතුරුව…

ශ්‍රි ලංකා විදේශ සේවා නියුක්ති කාර්යාංශය මගින් පසුගියදා ගම්පහ යශෝධරා දේවි බාලිකා විද්‍යාලයේදී පැවැත්වූ ගම්පහ දිස්ත්‍රික් රැකියා පොල වැඩසටහනට සමගාමීව ගම්පහ දිස්ත්‍රික්කයේ පාසල් දරුවන් 248 දෙනෙකු සඳහා ප්‍රතිලාභ ලබාදී තිබෙනවා. එහිදී විදෙස්ගත ශ්‍රමිකයින්ගේ දරුවන් 123 දෙනෙකු වෙනුවෙන් රුපියල් මිලියන 3.75 ක ශිෂ්‍යත්ව ප්‍රදානය කළ අතර, ඊට පහ ශ්‍රේණිය ශිෂ්‍යත්ව විභාගය සමත් දරුවන් 34 දෙනෙකුද, අ.පො.ස සා/පෙළ සමත් දරුවන් 66 දෙනෙකු හා උසස් අධ්‍යාපනය හදාරන දරුවන් 23 දෙනෙකුද ඇතුළත්. මේ අතර, ගම්පහ දිස්ත්‍රික්කයේ විගමණික ශ්‍රමිකයින්ගේ පාසල් අධ්‍යාපනය ලබන දරුවන් 125 දෙනෙකු සඳහා එක් අයෙකුට රුපියල් 10000ක වටිනාකමකින් යුත් පාසල් උපකරණ කට්ටලයක්ද මෙහිදී බෙදාදී තිබෙනවා. එසේම ගම්පහ දිස්ත්‍රික්කයේ පදිංචි ආබාධිත විගමණික ශ්‍රමිකයින්…

හිටපු ජනාධිපති රනිල් වික්‍රමසිංහ මහතා අත්අඩංගුවට පත්ව ජාතික රෝහලේ ප්‍රතිකාර ලබමින් සිටියදී ඔහුගේ රෝගී තත්ත්වය සම්බන්ධයෙන් ජනමාධ්‍යයට ප්‍රකාශ නිකුත් කළ කොළඹ ජාතික රෝහලේ නියෝජ්‍ය අධ්‍යක්ෂවරයකු වන වෛද්‍ය රුක්ෂාන් බෙල්ලන මහතාට එරෙහිව විනය පරීක්‍ෂණයක් පවත්වන බව වැඩබලන සෞඛ්‍ය හා ජනමාධ්‍ය අමාත්‍ය වෛද්‍ය හංසක විජේමුණි මහතා පවසනවා. මහනුවර දිස්ත්‍රික් සම්බන්ධීකරණ කමිටු රැස්වීමෙන් අනතුරුව මාධ්‍ය වෙත අදහස් දක්වමින් අමාත්‍යවරයා මේ බව කියා සිටියා. එහිදී වැඩිදුරටත් අදහස් දැක්වූ නියෝජ්‍ය අමාත්‍යවරයා කියා සිටියේ රජයේ නිලධාරියෙකු වශයෙන් සහ වෛද්‍ය ආචාර ධර්මවලට අනුකූලව එසේ කළ නොහැකි බවයි. එසේම රෝගියකුගේ රෝගී තත්ත්වයන් සම්බන්ධයෙන් වෙනත් පාර්ශ්වවලට කරුණු හෙළි කළ නොහැකි බවත් අමාත්‍යවරයා කියා සිටියා.

හිටපු ජනාධිපති රනිල් වික්‍රමසිංහ මහතාගේ නිදහස් වෙනුවෙන් කැපවී කටයුතු කළ සියලු දේශපාලන පක්ෂ නායකයින්ට, නීතිඥවරුන්ට, සිවිල් සංවිධාන නියෝජිතයින්ට, පොදු මහජනතාවට සහ ඒ සඳහා එක්ව කටයුතු කළ සියලු දෙනාට ම සිය ස්තුතිය පුද කරන බව විපක්ෂ නායක සජිත් ප්‍රේමදාස මහතා පැවසීය. විපක්ෂ නායක සජිත් ප්‍රේමදාස මහතා මේ බව කියා සිටියේ අද (27) විපක්ෂ නායක කාර්යාලයේ පැවති විපක්ෂයේ දේශපාලන කණ්ඩායම් නායක සහ නියෝජිත හමුවේදී ය. හිටපු ජනාධිපති රනිල් වික්‍රමසිංහ මහතා අත්අඩංගුවට ගැනීම තුළ මතු වූ ප්‍රජාතන්ත්‍රවාදයට එරෙහි අභියෝගය ජයග්‍රහණය කිරීමට සියලු පාර්ශව සමඟ ඒකාබද්ධ අඛණ්ඩ වැඩපිළිවෙලක් දියත් කිරීමේ අවශ්‍යතාවය ද විපක්ෂ නායකවරයා මෙහි දී පෙන්වා දුන්නේය. මෙහිදී අදහස් දැක්වූ විපක්ෂයේ නායකයින් ප්‍රකාශ…

ලංගම හා පෞද්ගලික බස් රථ ඒකාබද්ධ කා සටහන් ක්‍රමය වහාම අහෝසි කිරීම ඇතුළු ඉල්ලීම් කිහිපයක් මුල් කර ගනිමින් ලංගම වෘත්තීය සමිති අද(27) මධ්‍යම රාත්‍රීයේ සිට වැඩ වර්ජනයක නිරත වීමට තීරණය කර තිබෙනවා. ඒ අනුව අද මධ්‍යම රාත්‍රී 12 සිට බස් රථ ධාවනයෙන් හා සේවයට වාර්තා කිරීමෙන් ඉවත්ව මෙම වෘත්තීය සමිති ක්‍රියාමාර්ගයට පිවිසීමට තීරණය කර ඇති බවයි වාර්තා වන්නේ. වෘත්තීය සමිති හතක් ඒකාබද්ධව මෙම වැඩවර්ජනය සිදු කිරීමට නියමිතයි. එම වෘත්තීය සමිති වන්නේ සමගි සේවක සංගමය, පොදුජන ප්‍රවාහන සේවක සමිතිය, ශ්‍රී ලංකා නිදහස් ජාතික ප්‍රවාහන සේවක සංගමය, ජාතික සේවක සංගමය, ලංකා ගමනාගමන සේවක සංගමය ඇතුළු හතක්.

මාළු ලොරියක් තවත් වාහන තුනක ගැටී ටිපර් රථයක පිටුපස රෝද හතරම එලියට ගලවාගෙන යෑමේ දරුණු රිය අනතුරක් අද (27) දින දහවල් දඹුල්ල ගලේවෙල ප්‍රධාන මාර්ගයේ ඉබ්බන්කටුව ප්‍රදේශයේදී සිදුව තිබෙනවා. මෙදින උදෑසන ද මෙම ස්ථානයේම යුද හමුදාවේ කෝප්පල්වරයෙකු පැදවූ යතුරු පැදියක් දුරකථන කණුවක ගැටී මිය යාම විශේෂත්වයෙක්. ගලේවෙල දෙසින් දඹුල්ල දෙසට ධාවනය වෙමින් තිබූ මාළු ප්‍රවාහනය කරන කුඩා ලොරි රථයක් රියැදුරට නින්ද යාම හේතුවෙන් මාර්ගයෙන් එළියට පැන දඹුල්ල දෙසින් ගලේවෙල දෙසට ධාවනය වෙමින් තිබූ වැලි ප්‍රවාහනය කරන ටිපර් රථයක පිටුපස රෝදයේ ගැටීමත් සමග ටිපර් රථය එහි තිබූ තවත් වෑන් රථයක සහ ලොරි රථයක ගැටීමෙන් මෙම අනතුර සිදුවූ බව දඹුල්ල පොලිසිය පවසන්නේ.…

පුද්ගලයන් ලියාපදිංචි කිරීමේ දෙපාර්තමේන්තුව මගින් ක්‍රියාත්මක කිරීමට නියමිතව තිබූ ඩිජිටල් හැඳුනුම්පත සකස් කිරීමේ කාර්යභාරය ආණ්ඩුව විසින් ඉන්දියානු සමාගමකට ලබාදීමට එරෙහිව අධිකරණ ක්‍රියාමාර්ග ගැනීම සඳහා ජාතික නිදහස් පෙරමුණේ නායක විමල් වීරවංශ මහතා පසුගිය (22) ශේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරනු ලැබුවා. එහි වගඋත්තරකරුවන් ලෙස ඩිජිටල් ආර්ථික අමාත්‍යවරයා වශයෙන් ජනාධිපතිවරයා, අග්‍රාමාත්‍ය හරිනි අමරසූරිය ඇතුළු අමාත්‍ය මණ්ඩලය ඇතුළු 31 දෙනෙකු නම් කරනු ලැබ තිබෙනවා. ශ්‍රේෂ්ඨාධිකරණයට ඉදිරිපත් කරන ලද එම මූලික අයිතිවාසිකම් පෙත්සම විභාගයට ගැනීම සළකා බැලීම අද (27) දින ශ්‍රේෂ්ඨාධිකරණයේ දී සිදු වූ අතර. පෙත්සම විභාග කිරීම ඔක්තෝබර් 17 දින සිදු කිරීමට ශ්‍රේෂ්ඨාධිකරණය තීරණය විසින් තීරණය කරනු ලැබුවා.

හෙරොයින් සහ අයිස් මත්ද්‍රව්‍ය යතුරු පැදියකින් ගොස් අලෙවි කිරීමේ ජාවාරමක නිරතව සිටි අඹුසැමි යුවළක් ඊයේ(26) රාත්‍රීයේ ගිනිගත්හේන, පොල්පිටිය, කලුගල පොලිස් මාර්ග බාධකයේදී සැකපිට අත්අඩංගුවට ගත් බව හැටන් කොට්ඨාසභාර පොලිස් අධිකාරී ප්‍රදීප් වීරසේකර මහතා පවසනවා. ඒ දර්ගා නගරයේ පදිංචි වයස අවුරුදු 25ක් පමණ සැකකරු සහ ඔහුගේ වයස අවුරුදු 20ක් පමණ වයසැති මාස පහක ගැබිණි බිරිඳත් සමග දර්ගා නගරයේ සිට නුවරඑළිය දක්වා යතුරු පැදියකින් ගමන් කරමින් සිටියදීයි. කලුගල පොලිස් මාර්ග බාධකයේ සිටින පොලිස් නිලධාරීන් යතුරු පැදිය නතර කර පරීක්ෂා කිරීමේදී එම යුවලගේ ඇඳුම්වල සඟවා සිටි අයිස් මත්ද්‍රව්‍ය ග්‍රෑම් 50ක් සහ හෙරොයින් මත්ද්‍රව්‍ය ග්‍රෑම් 50ක් තිබී සොයා ගත් බවයි පොලිස් අධිකාරිවරයා කියා සිටියේ.…

වෙඩි තබා මනුෂ්‍ය ඝාතනයක් සිදු කිරීමේ අපරාධයකට සම්බන්ධ සැකකරුවෙකු රත්නපුර කොට්ඨාස අපරාධ විමර්ශන කාර්යාංශය විසින් අත්අඩංගුවට ගෙන තිබෙනවා. පොලිසිය කියා සිටියේ පසුගිය ජුනි මස 30 වන දින කහවත්ත, යායින්න ප්‍රදේශයේදී පුද්ගලයෙකුට වෙඩි තබා ඝාතනය කිරීමේ සිද්ධියට සම්බන්ධ බවට සැකකරන සැකකරුවෙක් මෙලෙස අත්අඩංගුවට ගෙන ඇති බවයි. රත්නපුර, පැල්වාඩිය ප්‍රදේශයේදී සැකකරු ඊයේ(25) දහවල් කාලයේදී අත්අඩංගුවට ගෙන තිබෙනවා. මෙලෙස අත්අඩංගුවට ගෙන ඇත්තේ වයස අවුරුදු 28ක් පමණ වන රත්නපුර ප්‍රදේශයේ පදිංචිකරුවෙකි. රත්නපුර කොට්ඨාස අපරාධ විමර්ශන කාර්යාංශය විසින් වැඩිදුර විමර්ශන සිදු කරනු ලබනවා.

බස්නාහිර සහ සබරගමුව පළාත්වලත්, ගාල්ල, මාතර, මහනුවර සහ නුවරඑළිය දිස්ත්‍රික්කවලත් වැසි වාර කිහිපයක් ඇති විය හැකි බව නිවේදනයක් නිකුත් කරමින් කාලගුණ විද්‍යා දෙපාර්තමේන්තුව පවසනවා. එම නිවේදනයේ වැඩිදුරටත් දැක්වෙන්නේ වයඹ සහ උතුරු පළාත්වල වැසි ස්වල්පයක් ඇති විය හැකි බවයි. ඌව පළාතේත් අම්පාර සහ මඩකලපුව දිස්ත්‍රික්කවලත් පස්වරු 2න් පමණ පසුව ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බවයි නිවේදනයේ දැක්වෙන්නේ. මධ්‍යම කඳුකරයේ බටහිර බෑවුම් ප්‍රදේශවලත් උතුරු, උතුරු මැද සහ වයඹ පලාත්වලත් ත්‍රිකුණාමලය සහ හම්බන්තොට දිස්ත්‍රික්කවලත් විටින් විට හමන පැයට කිලෝමීටර් 30ක 40ක පමණ තරමක තද සුළං ඇති විය හැකි බවද කාලගුණ විද්‍යා දෙපාර්තමේන්තුව නිවේදනය කරනවා. මේ අතර ඉදිරි පැය…