චීනයේ, වෙන්දු (Chengdu) නගරය ආශ්‍රිතව ශ්‍රී ලංකා කන්සියුලර් කාර්යාලයක් පිහිටුවීමට කටයුුතු කරන බව රජය පවසනවා.
ජනාධිපති අනුර කුමාර දිසානායක මහතාගේ චීන සංචාරයේදී මේ සම්බන්ධයෙන් සාකච්ජාවට ලක්වූ බව විදේශ අමාත්‍ය විජිත හේරත් මහතා සඳහන් කළා.
ජනාධිපතිවරයාගේ චීන සංචාරය සම්බන්ධයෙන් මාධ්‍ය දැනුවත් කිරීම සඳහා අද රජයේ ප්‍රවෘත්ති දෙපාර්තමේන්තුවේ පැවති මාධ්‍ය හමුවකදී අමාත්‍යවරයා මේ බව පැවසුවා.
වෙන්දු ප්‍රාන්තයේ ප්‍රාන්ත ප්‍රධානියා අදාළ කොන්සියුලර් කාර්යාලය පිහිටුවීම සඳහා අවශ්‍ය ඉඩකඩ නොමිලේ ලබා දීමට එකඟතාවය පළ කර ඇති බව මෙහිදී ප්‍රකාශ වුණා.
ජනාධිපතිවරයාගේ චීන සංචාරයේ දී දෙපාර්ශවය අතර ආර්ථික, දේශපාලනික හා සංස්කෘතික සහයෝගීතාවය වර්ධනය කරගැනීමට ගැඹුරු සාකච්ඡාවක නිරත වූ බව ද අමාත්‍යවරයා මෙහිදී කියා සිටියා.
