හිටපු අමාත්ය මර්වින් සිල්වා මහතාට එරෙහිව අල්ලස් කොමිසම විසින් ගොනුකර තිබෙන නඩුව අද(19) කොළඹ මහාධිකාරණයේදී විනිසුරු මොහොමඩ් මිහාල් මහතා ඉදිරියේ යළි කැඳවනු ලැබුවා.
අමාත්යවරයකු වශයෙන් කටයුතු කරමින් සිය ආදායම ඉක්මවා දේපළ අත්පත් කර ගැනීමේ චෝදනාව හිටපු අමාත්යවරයෙකු වූ මර්වින් සිල්වා මහතාට එල්ල වී තිබෙනවා.
එහිදී අල්ලස් කොමිසමේ මෙහෙයවීම යටතේ පැමිණිල්ලේ සාක්ෂිකරුවන් වශයෙන් නම්කර සිටින බැංකු සහ මූල්ය සමාගම්වල සාක්ෂිකරුවන් හතර දෙනෙකුගෙන් සාක්ෂි සටහන් කරගැනීම සිදුව තිබෙනවා.
ඉන් පසුව වැඩිදුර සාක්ෂි විභාගය මාර්තු 16 වනදා දක්වා කල් තබා තිබෙනවා.
2010 වසරේ සිට 2013 වසර දක්වා කාල සීමාව තුළ සිය නීත්යානුකූල ආදායම ඉක්මවා රුපියල් මිලියන 150කට අධික වත්කම් අයථා ලෙස අත්පත් කරගැනීම තුළින් දූෂණ විරෝධී පනත යටතේ වරදක් සිදු කළේ යැයි චෝදනා කරමින් අල්ලස් කොමිසම විසින් හිටපු අමාත්ය මර්වින් සිල්වා මහතාට එරෙහිව නඩුව ගොනුකර තිබෙනවා.
