සෞඛ්‍ය ක්ෂේත්‍රයට අවශ්‍ය වෛද්‍ය උපකරණ සහ තාක්ෂණ දායකත්වය ලබාදීමට බි්‍රතාන්‍ය එකඟතාව පළ කර තිබෙනවා.
අමාත්‍ය වෛද්‍ය නලින්ද ජයතිස්ස මහතා හමුවේ ශ්‍රී ලංකාවේ බි්‍රතාන්‍ය මහකොමසාරිස්වරයායි මෙම එකඟතාව පළ කළේ.
අමාත්‍ය වෛද්‍ය නලින්ද ජයතිස්ස මහතා සහ ශ්‍රී ලංකාවේ බි්‍රතාන්‍ය මහකොමසාරිස් ඇන්ඩෲ පැට්‍රික් මහතා අතර හමුවක් සෞඛ්‍ය අමාත්‍යාංශයේ දී පැවැත්වුණා.
සෞඛ්‍ය සේවාවට අදාළ කරුණු රැසක් සම්බන්ධයෙන් මෙහිදී සාකච්ඡා කර ඇති බවයි වාර්තා වුනේ.
වෛද්‍ය උපකරණ , තාක්ෂණය මෙන්ම සේවා කටයුතු සැපයීම සඳහා සහාය දෙන බවට මහකොමසාරිස්වරයා එහිදී එකඟතාව පළ කර තිබෙනවා
වත්මන් රජයේ ජනතාවාදී වැඩපිළිවෙල ද ඒ මහතාගේ ඇගයීමට ලක්කෙරුණා.
සෞඛ්‍ය හා ජනමාධ්‍ය ක්ෂේත්‍රයේ ප්‍රගමනය උදෙසා දෙරට අතර සහයෝගීතාව ශක්තිමත් කිරීමට අවධානය යොමුකරන බවයි මහකොමසාරිස්වරයා එහිදී වැඩි දුරටත් සඳහන් කළේ..
