වියළි කාලගුණික තත්ත්වය හේතුවෙන් හානි සිදුවූ දිස්ත්රික්ක රැසක වගා බිම් සඳහා වන්දි ගෙවීම අද සිට සිදුකෙරන බව කෘෂිකර්ම හා ගොවිජන රක්ෂණ මණ්ඩලය පවසනවා. ඒ අනුව පොළොන්නරුව දිස්ත්රික්කයේ විපතට පත් ගොවීන් සඳහා අද දින රක්ෂණ වන්දි මුදල් අදාළ බැංකු ගිණුම් වෙත බැර කිරීමටයි කටයුතු සලසා ඇත්තේ. අනෙකුත් දිස්ත්රික්කයන්හී සියලුම ගොවීන් හට එළැඹෙන 15 වැනි දිනට පෙර වගා හානි වන්දි ගෙවීමට කටයුතු යොදා තිබෙනවා. වියළි කාලගුණික තත්ත්වය හේතුවෙන් හම්බන්තොට, අම්පාර, පුත්තලම, අනුරාධපුරය, පොළොන්නරුව සහ මොනරාගල යන දිස්ත්රික්කවල වී, බඩ ඉරිඟු ඇතුළු අනෙකුත් වගාවන්ට හානි සිදුව ඇති බව වාර්තා වනවා.
