ජූනි මාසයේ ආරම්භ වූ ‘එල්නිනෝ දේශගුණික සංසිද්ධිය හේතුවෙන් දිවයිනේ ප්‍රදේශ රැසක උෂ්ණත්වය තවදුරටත් ඉහළ ගොස් වැසි තත්ත්වය අඩු විය හැකි බව කාළගුණ විද්‍යා දෙපාර්තුමේන්තුව පසනවා. ඒ හේතුවෙන් ජලය සහ විදුලිය අරපිරිමැස්මෙන් භාවිත කිරීමට පියවර ගන්නා ලෙසයි එම දෙපාර්තුමේන්තුවේ අධ්‍යක්ෂ ජනරාල් අජිත් විජේමාන්න මහතා මහජනතාවට දැනුම් දෙන්නේ. මෙම තත්ත්වය තවත් මාස 8ක් හෝ 10ක්, එනම් ලබන වසරේ මාර්තු-අප්‍රේල් දක්වා පැවතිය හැකි බවද ඔහු අවධාරණය කළා.
