කිරිඳිවැල, හිස්වැල්ල ප්රදේශයේ නිවසක් තුළ ඛාන්තවක් ඝාතනය කර ඇති බව කිරිඳිවැල පොලිසිය පවසනවා.
පොලිසියට ලද තොරතුරක් මත විමර්ශන ආරම්භ කර ඇති බවත් ඊයේ(18) සවස් කාලයේදී මෙම ඝාතනය සිදුව ඇති බවත් පොලිසිය පවසනවා.
මෙලෙස මියගොස් ඇත්තේ වයස අවුරුදු 78ක් පමණ වූ කිරිඳිවැල ප්රදේශයේ පදිංචිකාරියක් බවද පොලිසිය කියා සිටියා.
මරණයට පත්වූ කාන්තාව නිවසේ තනිව ජීවත්ව ඇති බවයි පොලිසිය පවසන්නේ.
මෙම කාන්තාවගේ ගෙලෙහි රෙදි පටියක් සහිතව සහ ඇගේ කණ ප්රදේශයේ තුවාල සහිතව නිවසෙහි සැකකටයුතු ලෙස මියගොස් ඇති බව නිරීක්ෂණය වී ඇති බැවින් මෙය ඝාතනයක් බවට පොලිසිය සැක පළ කරනවා.
සිද්ධිය සම්බන්ධයෙන් වයස අවුරුදු 61ක් පමණ වන පුද්ගලයෙක් අත්අඩංගුවට ගෙන තිබෙනවා.
ඝාතනයට හේතුව මෙතෙක් අනාවරණ වී නොමැති අතර කිරිඳිවැල පොලිසිය වැඩිදුර විමර්ශන සිදු කරනු ලබනවා.
