සංචාරක ශ්‍රී ලංකා කණ්ඩායම සහ සිම්බාබ්වේ කණ්ඩායම අතර දෙවන හෙවත් අවසන් එක්දින තරගයේ පිළිතුරු ඉනිම ක්‍රීඩා කරන ශ්‍රී ලංකා කණ්ඩායමේ ආරම්භක පිතිකරු පැතුම් නිශ්ශංක සමත්ව තිබෙනවා.
පැතුම් මෙලෙස අද වාර්තා කරනු ලැබුවේ සිය එක්දින ක්‍රිකට් දිවියේ හත්වැනි ශතකයයි.
පැතුම් මෙම ලකුණ සියය ලබාගැනීම සඳහා පන්දු 113ක් වැය කර ඇති අතර ඊට හතරේ පහර 15ක් අන්තර්ගතයි.
සිම්බාබ්වේ කණ්ඩාම ලබාගත් ලකුණු 277 ක ඉලක්කය හඹා යන ශ්‍රී ලංකා කණ්ඩායම මේ වන විට කඩුලු තුනක් දැවී ලකුණු 176ක් ලබාගෙන සිටිනවා.
නොදැවී පන්දුවට පහර දෙන පැතුම් නිශ්ශංක ලකුණු 103ක්ද නායක චරිත් අසලංක ලකුණු 18ක්ද ලබාගෙන සිටිනවා.
දැවී ගිය ක්‍රීඩකයන් වන්නේ නුවනිඳු ප්‍රනාන්දු, කුසල් මෙන්ඩිස් සහ සධීර සමරවික්‍රමයි.
