2019 අප්රේල් 26 වැනිදා සායින්දමරුදු ආරක්ෂිත නිවසක් තුළ මරාගෙන මැරෙන බෝම්බයක් පුපුරුවා හැරීම හේතුවෙන් ජීවිතක්ෂයට පත් පුද්ගලයන් අතර සාරා ජස්මින් ද සිට ඇති බව තහවරු වී තිබෙනවා.
පොලීසිය සඳහන් කරන්නේ එම සිද්ධියෙන් ජීවිතක්ෂයට පත් පුද්ගලයන් අතර පුලස්තිනී මහේන්ද්රන් හෙවත් සාරා ජස්මින් යන අය ද සිටින බව රජයේ රස පරීක්ෂක දෙපාර්තමේන්තුව විසින් ඉදිරිපත් කරන ලද වාර්තාව මගින් තහවුරු වී ඇති බවයි.
ඒ තුන්වන වරට ලබාගන්නා ලද සියුම් සාම්පල සම්බන්ධව සිදුකරන ලද ඩී.එන්.ඒ පරීක්ෂාවේ දීයි.
පොලීසිය නිකුත් කළ නිවේදනයකින් පෙන්වා දෙන්නේ, පුලස්තිනී මහේන්ද්රන්ගේ මවගෙන් ලබාගන්නා ඩී.එන්.ඒ සාම්පල සමග බෝම්බ පිපිරීම සිදුවූ ස්ථානයේදී සොයාගන්නා ලද අස්ථි කොටස්වල ඩී.එන්.ඒ සාම්පල මවක සහ දරුවෙකු අතර පවතින ජීව විද්යාත්මක සම්බන්ධතාව තහවුරු වන ප්රතිඵලයක් බවයි.
ඒ අනුව මෙම සාම්පල මව සහ සිය දියනිය වන බවට සියයට අනූනවයයි දශම නවයයි නවයකින් තහවුරු වී ඇති බවද රස පරීක්ෂක දෙපාර්තමේන්තුව ඉදිරිපත් කර ඇති වාර්තාවෙන් තහවුරු වන බව පොලීසිය වැඩිදුරටත් සදහන් කරනවා.
