13 වෙනි ව්‍යවස්ථාව ක්‍රියාත්මක කිරීමට නම් රනිල් වික්‍රමසිංහ මහතා ජනවරමක් ලබා ගත යුතු බව පාර්ලිමේන්තු මන්ත්‍රී ගෙවිදු කුමාරතුංග මහතා පෙන්වා දෙනවා.
ඔහු මේ බව සඳහන් කළේ පාර්ලිමේන්තුව නියෝජනය කරන පක්ෂ නායකයන්ගේ සහභාගිත්වයෙන් ජනාධිපති රනිල් වික්‍රමසිංහ මහතා සමග පැවති සර්ව පාක්ෂික හමුව පිලිබඳ කරුණු දක්වමින්.
ජනාධිපතිවරයා විසින් කැඳවූ එම හමුවට විපක්ෂ නායක සජිත් ප්‍රේමදාස සහ ජාතික ජන බලවේගයේ නායක අනුර කුමාර දිසානායක යන මහත්වරුන් සහභාගි වී නොමැති බවයි වාර්තා වන්නේ.
දෙමළ ජාතික සන්ධානයේ නායක ආර්.සම්බන්ධන් මහතා ඊට එක්ව සිටියා.
කෙසේ වෙතත් දෙමළ සන්ධානය නියෝජනය කරන ටෙලෝ, ප්ලෝට් සංවිධානයන්හි නායකයින් මෙන්ම දෙමළ ප්‍රගතිශිලි සන්ධානයේ නායක පාර්ලිමේන්තු මන්ත්‍රි මනෝ ගනේෂන් මහතාද මෙම සාකච්ජාවට එක්වුයේ නැහැ.
මහින්ද රාජපක්ෂ සහ මෛත්‍රිපාල සිරිසේන යන හිටපු ජනාධිපතිවරුන් මෙම හමුවට සහභාගි වී තිබෙනවා.
මෙම පක්ෂ නායක හමුව ජනාධිපතිවරයා ධුරයට පත්වීමෙන් පසු පැවත්වු දෙවන පක්ෂ නායක රැස්වීමයි.
පසුගිය වසරේ දෙසැම්බර් මස 13 වනදා පැවති පක්ෂ නායක හමුවේදී සාකච්ඡාවට බඳුන් වූ සංහිඳියාව වැඩිදියුණු කිරීමේ වැඩපිළිවෙළ පිළිබඳ ඊයේ පස්වරුවේ පැවති සර්ව පාක්ෂික හමුවේදී වැඩි අවධානයක් යොමුව තිබුනා.
කෙසේ වෙතත් පුජ්‍ය අතුරලියේ රතන හිමියන් පෙන්වා දෙන්නේ මෙම හමුව සංහිඳියාවට රුකුලක් නොවන බවයි.
සර්ව පාක්ෂික හමුව පලදායී බව පාර්ලිමේන්තු මන්ත්‍රී කුමාර වෙල්ගම මහතා සඳහන් කලා.
හමුවෙන් අනතුරුව මාධ්‍ය වෙත කරුණු දැක්වූ පාර්ලිමේන්තු මන්ත්‍රී එම් ඒ සුමන්තිරන් මහතා ….
13 වෙනි ව්‍යවස්ථාව ක්‍රියාත්මක කිරීමට ජනාධිපතිවරයා දරන උත්සාහය පිළිබඳ පාර්ලිමේන්තු මන්ත්‍රී ගෙවිදු කුමාරතුංග මහතා ප්‍රතිචාර දක්වා සිටියේ මෙලෙසින්.
