ශ්‍රී ලංකාව හා ඔස්ටේ්‍රලියාව අතර ගාල්ලේ පැවැත්වෙන පළමු ටෙස්ට් ක්‍රිකට් තරගයේ පළමු ඉනිම ක්‍රීඩා කළ ඔස්ටේ්‍රලියානු කණ්ඩායම කඩුලු 6 ක් දැවී ලකුණු 654ක් රැස්කර සිය ඉනිම අත්හිටවනු ලැබුවා.
ඔස්ටේ්‍රලියානු ඉනිම ඔසවා තබමින් ආරම්භක පිතිකරු උස්මාන් කවජා ලකුණු 232ක් රැස්කිරීමට සමත් වුණා.
ඊට අමතරව නායක ස්ටීවන් ස්මිත් ලකුණු 141 ක් සහ ජොෂ් ඉන්ග්ලිස් ලකුණු 102 ක් රැස්කරමින් ඔස්ටේ‍රලියානු ඉනිම ශක්තිමත් කරනු ලැබුවා.
ශ්‍රී ලංකාව වෙනුවෙන් පන්දු යැවූ සියලුම පන්දු යවන්නන් ඔස්ටේ්‍රලියානු පිතිකරුවන් හමුවේ දැඩි පීඩනයකට ලක්වුණා.
කෙසේ වෙතත් ප්‍රභාත් ජයසූරිය ලකුණු 193කට කඩුලු 3 ක් හා ජෙෆ්රි වැන්ඩර්සේ ලකුණු 182කට කඩුලු 3ක් දවාගැනීමට සමත් වුණා.
අද තරගයේ දෙවන දිනයයි.
