සංචාරක ඕස්ටේ්‍රලියානු කණ්ඩායම සහ ශ්‍රී ලංකා කණ්ඩායම අතර පැවැත්වෙන වෝන් – මුරලි කුසලාන ටෙස්ට් තරගාවලියේ පළමු තරගය හෙට ආරම්භ වනවා.
මෙම තරගාවලිය යටතේ පැවැත්වීමට නියමිත ටෙස්ට් තරග දෙකම පැවැත්වෙන්නේ ගාල්ල ජාත්‍යන්තර ක්‍රිකට් ක්‍රීඩාංගණයේදීයි.
කණ්ඩායම දෙකම ගාල්ල ජාත්‍යන්තර ක්‍රිකට් ක්‍රීඩාංගණයේදී අද පෙරවරුවේ ද පෙර පුහුණුවීම්වල නිරත වුණා.
මේ අතර දෙරට අතර පැවැත්වෙන පළමු ටෙස්ට් තරගයට සහභාගී වීමේ අවස්ථාව ශ්‍රී ලංකා ආරම්භක පිතිකරු පැතුම් නිස්සංකට අහිමි වනු ඇති බවටයි වාර්තා පළ වන්නේ.
ඒ ඔහුගේ ආබාධ තත්ත්වය සම්පූර්ණයෙන්ම සුව නොවීම හේතුවෙන්.
ඒ අනුව හෙට ආරම්භ වන පළමු ටෙස්ට් තරගයට පැතුම් වෙනුවට ඕෂධ ප්‍රනාන්දු ක්‍රීඩා කිරීමට නියමිත බව ක්‍රිකට් ආරංචි මාර්ග අනාවරණ කළා.
