නව බදු ප්රතිපත්තියට විරෝධය පළකිරීම ඇතුළු ඉල්ලීම් මුල් කරනිමින් වෘත්තිය සමිති රැසක් අද දිනයේදී විවිධ වෘත්තීය සමිති ක්රියාමාර්ග සදහා අවතීරණ වීමට නියමිතව තිබෙනවා .
තැපැල් වෘත්තීය සමිති සන්ධානයේ කැදවුම්කරු චින්තක බණ්ඩාර මහතා කියා සිටියේ ඊයේ මධ්යම රාත්රියේ සිට තැපැල් සේවකයින් වර්ජනයේ නිරත වන බවයි.
එමෙන්ම ඊයේ මධ්යම රාත්රියේ සිට එක් දින වර්ජනයක් ක්රියාත්මක කරන බව දුම්රිය වෘත්තීය සමිති සංවිධානය ප්රකාශ කළා .
දුම්රිය ඉංජිනේරු සංගමයේ සභාපති කේ.යු.කොන්තසිංහ මහතා කියා සිටියේ ඉල්ලීම් 5 ක් මුල් කරගනිමින් මෙම වර්ජනය ක්රියාත්මක වන බවයි.
මේ අතර දිවයින පුරා සියලුම රජයේ රෝහල්වල අද දිනයේදී සංකේත වැඩවර්ජනයක් ක්රියාත්මක කරන බව රජයේ වෛද්ය නිලධාරින්ගේ සංගමය පැවසුවා .
එම සංගමයේ මාධ්ය ප්රකාශක වෛද්ය චමිල් විජේසිංහ මහතා මේ සම්බන්ධයෙන් මෙලෙස අදහස් පළ කළා.
එමෙන්ම විශ්ව විද්යාල ඇතුලු ක්ෂේත්රවල ද තවදුරටත් වැඩ වර්ජන ක්රියාත්මක වනවා.
මේ අතර ගුරුවරුන්ගේ වැඩි කරන ලද වැටුප් වර්ධක වහාම ලබා දෙන ලෙස ඉල්ලමින් සහ ගුරුවරුන්ට රුපියල් 20 000 දීමනාවක් ලබා දෙන ලෙස ඉල්ලා රජයේ පාසල් ගුරුවරුන් අද එක්දින වැඩ වර්ජනයක නිරත වීමට නියමිතයි.
මේ ඒ සම්බන්ධව අදහස් දැක්වූ සමස්ත ලංකා ගුරු සංගමයේ ලේකම් ජෝෂප් ස්ටාර්ලින් මහතා
එමෙන්ම ලංකා විදුලිබල මණ්ඩල ඒකාබද්ධ වෘත්තිය සමිති සංවිධානයේ කැදවුම්කරු රංජන් ජයලාල් මහතා පැවසුවේ හෙට විදුලිබල මණ්ඩල සේවකයින් සේවයට වාර්තා නොකරන බවයි.
මේ අතර ආණ්ඩුවේ බදු ප්රතිපත්තියට එරෙහිව සිදු කරමින් පවතින වැඩ වර්ජනයට සහයෝගය ලබා දෙන බව ජල සම්පාදන වෘත්තිය සමිති ඒකාබද්ධ සන්ධානය පවසනවා.
ඒ අනුව අද දිනයේදී ජල සැපයුම අඩාල වීමේ අවදානමක් පවතින බවයි එම සන්ධානය පැවසුවේ . ලංකා බැංකු සේවක සංගමය පැවසුවේ අද දිනයේද මෙම වැඩ වර්ජනය ක්රියාත්මක බවයි.
මිට අමතරව රජයේ බදු ප්රතිපත්තියට එරෙහිව රේගු නිලධාරින් සහ ශ්රී ලංකා වරාය අධිකාරියේ සේවකයින් අද දැවැන්ත වැඩ වර්ජනයක් සිදු කිරීමට නියමිතයි.
කෙසේ වෙතත් පොදුජන ප්රවාහන සේවක සමිතියේ සභාපති නුරාජිත් සිං මහතා පැවසුවේ වර්ජන ක්රියාත්මක කල හොත් එළඹෙන මාසයේ වැටුප් ලබා ගැනීමට තමන්ට ගැටළු මතුවන බවයි .
ඒ හේතුවෙන් අද දින ක්රියාත්මක වැඩවර්ජනයෙන් වෘත්තීය සමිති 5 ක් ඉවත් වන බවයි ඔහු සදහන් කලේ
මේ අතර අද දිනයේදී සුපුරුදු පරිදි පෞද්ගලික බස්රථ ධාවනය කරන බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා පවසනවා.
ඒ අනුව අද දිනයේදී දිවයිනපුරා බස්රථ 13,000ත් 15,000ත් අතර බස් රථ ප්රමාණයක් ධාවණය කරන බවද ඔහු සදහන් කළා.
