වනජීවී දෙපාර්තමේන්තුවේ විදුලි වැට නඩත්තු සහකාර (තුන්වන) iii වන ශ්රේණියට බදවා ගැනීමේ පත්වීමි ප්රදානය කිරීමේ උත්සවය අද(13) පැවැත්වුණා.
පරිසර අමාත්ය වෛද්ය දම්ම්ක පටබැඳි මහතාගේ ප්රධානත්වයෙන් පරිසර අමාත්යාංශයේ පැවති වැඩසටහන සදහා පරිසර නියෝජ්ය අමාත්ය ඇන්ටන් ජයකොඩි, පරිසර අමාත්යාංශ ලේකම් කේ.ආර් උඩුවාවල, වන සංරක්ෂණ දෙපාර්තමේන්තුවේ අධ්යක්ෂ ජෙනරාල් රන්ජන් මාරසිංහ යන මහත්වරුන් එක් වුණා.
බහුකාර්ය සංවර්ධන පුහුණු අභ්යාසලාභීන් 100,000ක් බදවා ගැනීමේ රජයේ වැඩපිළිවෙල යටතේ බදවා ගත් පිරිසෙන් දැනට වනජීවී දෙපාර්තමේන්තුවේ සේවය කරන අභ්යාසලාභීන් 3451ක පිරිසකටයි මෙලෙස විදුලි වැට නඩත්තු සේවකයින් ලෙස ස්ථිර පත්වීම් හිමි වුණේ.
වසර ගණනාවක් පුරා ස්ථිර පත්වීම් නොලැබී තිබු මෙම සේවකයින්ගේ ගැටලුවට වර්තමාන රජය බලයට පත්වීමෙන් අනතුරව නිසි අධීක්ෂණයක් සහ කඩිනම් වැඩපිළිවෙලක් යටතේ විසදුම් ලබා දීමට සමත් වී තිබෙනවා.
