රාජගිරිය රෝයල් පාක් ඝාතන සිද්දිය සම්බන්ධයෙන් අනුගමනය කළ යුතු නීතිමය ක්රියා පටිපාටිය විමසා නීතිපතිවරයාට ලිපියක් යොමු කළ බව මහජන ආරක්ෂක අමාත්ය ටිරාන් අලස් මහතා පවසනවා.
නීතිපතිවරයාගෙන් ලැබෙන උපදෙස් අනුව මේ සම්බන්ධයෙන් කටයුතු කිරීමට බලාපොරොත්තු වන බවයි මහජන ආරක්ෂක අමාත්යවරයා ප්රකාශ කළේ.
2005 වසරේ ජූලි මස 1 වැනිදා රාජගිරිය රෝයල් පාක් නිවාස සංකීර්ණයේදී ස්වීඩන් ජාතික ඉවෝන් ජොන්සන් නමැති තරුණිය කෲර ලෙස ඝාතනයට ලක් කර තිබුනා.
එම චෝදනාවට වරදකරුවකු වී මරණීය දණ්ඩනය නියමවී සිටියදී හිටපු ජනාධිපති මෛත්රිපාල සිරිසේන මහතා විසින් නිදහස් කෙරුණු ජූඩ් ශාමන්ත ජයමහ නැමැත්තා සම්බන්දයෙන් අනුගමනය කල යුතු නීතිමය ක්රියාපටිපාටිය විමසමිනුයි අදාළ ලිපිය යොමු කර ඇත්තේ.
ජූඞ් ශ්රමන්ත ජයමහ නමැත්තා ජනාධිපති සමාව දී නිදහස් කිරීමට හිටපු ජනාධිපති මෛත්රිපාර සිරිසේන මහතා ගත් තීරණය ආණ්ඩුක්රම ව්යවස්ථාවට පටහැනි බවට ශ්රේෂ්ඨාධිකරණය පසුගිය 6 වැනිදා තීරණය කරනු ලැබුවා.
මෙම තීරණයෙන් අගතියට පත් වූ පෙස්සම්කරුට හා ඝාතනයට ලක් වූ තරුණියගේ මවුපියන්ට රුපියල් ලක්ෂ දහය බැගින් ලක්ෂ තිහක වන්දි ගෙවීමටද මෙහිදී නියම කෙරුනා.
මරණ දඬුවමින් නිදහස් කිරීමෙන් පසු විත්තිකාර ජයමහ නැමැත්තා මේ වන විට විදේශගතවි සිටිනවා.
